ಮೋಡಗಳ ದಿಬ್ಬಣ ಹೊತ್ತ ಬಂದಾನ
ಸುರಗಿನೀರ ಬರಬರ ಸುರಸ್ಯಾನ|

ಭೂದೇವಿಗೆ ಮನಸೋತು ಕರಿಗ್ಯಾನ
ಮುತ್ತು ಹನಿಗಳ ಹೂಹಾರ ಹಿಡಿದಾನ|

ರೈತ ಬೀಗನ್ನ ಹಂದರಕ ಕರೆದಾನ
ಜೊಡೆತ್ತಿನ್ಯಾಗ ಸಾರೂಟ ಹೊರಟಾಣ|

ಜೋಳಗ್ಯಾಗ ಮುತ್ತಿನ ಜೋಳ ಹಿಡದಾನ
ಬಸವಣ್ಣ ನೇಗಿಲ ಹೊತ್ತಾನ|

ಬಸವಣ್ಣ ಬಿತ್ತುತ ನೇಯ್ಗಿ ನೇಯ್ದಾನ
ಭೂದೇವಿಯ ಹಸಿರು ಸೀರೆಯ ಉಟ್ಟಾಳ|

ಹಸಿರು ಉಸುರಾಗಿ ಫಲವಾಗಿ ನಿಂತಾಳ
ದವಸದ ಉಡಿ ತಂದೇನಿ ಅಂದಾಳ|

ಹಿಗ್ಗಿ ಹಿರಿದು ಊರ ಮಂದಿನ
ನಮ್ಮಣ್ಣ ಸುಗ್ಗಿ ಊಟಕ್ಕ ಕರದಾನ|