ನಿಮ್ಮ ಲೇಖನಗಳನ್ನು ಇ-ಮೇಲ್ ಅಥವಾ ವಾಟ್ಸಪ್ ಮುಖಾಂತರ ನಮ್ಮ ಸಂಗತಿ ವೆಬ್ಸೈಟ್ ಕಳಿಸಬಹುದು ವಾಟ್ಸಪ್‌ :- 9483261944, ಇಮೇಲ್ :- sangaatipatrike@gmail.com

ವಿಧಿಯ ಬರಹ ಸಹಿಸಿ ನಾಳೆಯ
ಅರಸಿ ಸಾಗುವೆಯಾ
ನಿದಿರೆ ಬಾರದೆ ಹೊರಳಿ ನೋವಲಿ
ನರಳಿ ಬಾಗುವೆಯಾ

ಸಹನೆ ಎನುವ ಮೂಲ ಮಂತ್ರವ
ಜಪಿಸಿ ಬಳಲಿದೆಯಾ
ದೇಹವ ದಂಡಿಸಿ ಮನದ ದುಗುಡ
ಮರೆತು ಹೋಗುವೆಯಾ

ಒಳ್ಳೆಯ ದಿನದ ನಿರೀಕ್ಷೆ ಇರಲಿ
ನಿತ್ಯ ಬಾಳಿನಲಿ
ತಳ್ಳದೆ ಮನುಜ ಆಸರೆ ನೀಡಲು
ನೆನೆದು ಮಾಗುವೆಯಾ

ಸಮಯ ಒಂದೇ ತೆರದಿ ಬಾರದು
ಚಿಂತನೆ ಆಶಾದಾಯಕ
ತಮವ ಕಳೆವ ನೇಸರ ಮೂಡಲು
ಆನಂದದಿ ತೂಗುವೆಯಾ

ಬದುಕು ಬಂದಂತೆ ಸ್ವೀಕಾರ ಭಾವನೆ
ದೃಢತೆ ರಾಧೆಯಲಿ
ಮಧುರ ನೆನಪು ಅಳಿಸಿ ಯಾತನೆ
ಕರಗಿ ಬೀಗುವೆಯಾ


About The Author

1 thought on “ಅನುರಾಧಾ ರಾಜೀವ್‌ ಅವರ ಗಜಲ್”

Leave a Reply

You cannot copy content of this page

Scroll to Top