ಕಾವ್ಯ ಸಂಗಾತಿ
ನಾಮದೇವ ಕಾಗದಗಾರ
“ನೆಲದ ರೋಧನೆ”
ಜೀವಂತಿಕೆ ಇಲ್ಲದ ಮಣ್ಣು;
ಭೂಮಿಯನ್ನು ನಾವೇ
ಕೊಂದು ನೇತು ಹಾಕಿದ್ದೇವೆ
***
ಕೊಡಲಿಯ ಅಲಗಿನಲಿ
ಮರಗಳ ಒಡಲು:
ಭೂಮಿ ಬೆತ್ತಲೆ..! ಬೇಯುತ್ತಿದೆ
***
ಎಲ್ಲ ಬದಲಾಗಿದೆ;
ಊರುಕೇರಿ ಜೊತೆಗೆ
ಮನುಷ್ಯರೂ ಕೂಡಾ
***
ಸೂರ್ಯ ಸತ್ತು ಕತ್ತಲಾಗಿದೆ
ಜಗತ್ತು ಬೆತ್ತಲು;
ನಾವು ಕಪ್ಪು ಚುಕ್ಕಿಗಳು
***
ಮರಗಳು ಪದೇ-ಪದೇ
ಕೊಡಲಿಗೇ ಓಟು ಹಾಕುತ್ತಿದ್ದವು!
ಭೂಮಿ ಬರಡಾಗಿದೆ
***
ಮೌನದಲಿ ಆರಿದ ದೀಪ,
ಹೊಂಬಿಸಲಾಗಿ ಬಾನಿಗೆಲ್ಲ ಹರಡಿದೆ
ಬಣ್ಣಗಳ ಗರಿಬಿಚ್ಚಿ ಭೂಮಿ ಅಪ್ಪಿದೆ
***
ಗಾಯಗೊಂಡ ಜಾಗೆಯಲ್ಲಿ ರಕ್ತಕಣ್ಣೀರು;
ಚಿತ್ರ ಬಿಡಿಸುತ್ತಾ ರೂಪ ಕಳೆದುಕೊಂಡ ಪರಿಸರ,
ಭೂಮಿ ರೋಧಿಸುತ್ತಿದೆ!
ನಾಮದೇವ ಕಾಗದಗಾರ
About The Author
