ಉಗುಳುತ ಕೆಂಡವ ಕಾರುತ ದ್ವೇಷವ
ದಹಿಸಿದೆ ಬುವಿಯನು ಮದದಲ್ಲಿ
ನಾನು ನನ್ನದು ಎಂಬುವ ಸ್ವಾರ್ಥವು
ಉರಿಸಿದೆ ಮತ್ಸರ ಸೊಕ್ಕಿನಲಿ//ಪ//

ಪ್ರಕೃತಿ ನಾಶದ ಅರಿವೇ ಇರದೆ
ನಡೆದಿದೆ ಮನುಜನ ಕಾದಾಟ
ಗಾಳಿಯು ತುಂಬಿದ ಬಲೂನಿನ ತೆರದಲಿ
ನಡೆದಿದೆ ಇವನ ಹಾರಾಟ//

ಸುಡುವುದೆ ಸಾಧನೆ ಎಂಬುವ ಮನಸಲಿ
ಎಲ್ಲವ ದಹಿಸುತ ಸಾಗಿಹರು
ಧ್ವಂಸವ ಮಾಡಿ ಬೀಗುತ ಸೊಕ್ಕಲಿ
ತಾವೇ  ಉತ್ತಮರು ಎನ್ನುವರು//ಪ//

ಯುದ್ಧದ ದಾಹಕೆ ಸಂಕುಲವೆಲ್ಲ
ರೋಧಿಸಿ ಪ್ರಾಣವ ಬಿಟ್ಟಿಹುದು
ಸುಂದರ ಲೋಕಕೆ ಎಂದೂ ಭರಿಸದ
ನಷ್ಟವೆ ಇಂದಿಗೆ ಆಗಿಹುದು//