ಕಾವ್ಯ ಸಂಗಾತಿ
ಶಿವಕುಮಾರ ಕೋಡಿಹಾಳ ಮೂಡಲಗಿ
“ನಿಷ್ಕಲ್ಮಶ ನಗು”
ಯಾವ ಶಿಲ್ಪಿಯೂ ಕೆತ್ತಲಾಗದ
ಕಲಾವಿದನ ಕೈ ಚಳಕಕೂ ನಿಲುಕದ
ಪರಮಾನಂದದ ನಿಮ್ಮ ನಗು
ಬದುಕಿನ ಪಾಠ ಹೇಳುತಿವೆ
ನಮ್ಮೊಡನಿರುವ ಜೀವಂತ ದೇವರುಗಳು
ಅವರೊಡನಾಟವೇ
ದೇವನೊಲುಮೆಯ ನೋಟ
ಸುಖ ದುಃಖಗಳ
ಸಮ್ಮಿಲನದ ಸ್ಪೂರ್ತಿಯ ಪಾಠ
ಮುಖದ ತುಂಬಾ
ಚೈತನ್ಯದ ಚಿಲುಮೆ
ಹೊತ್ತು
ಹೇಳುತಿರುವಿರಿ
ಬಾಳೆಂಬ ಹೋರಾಟದ
ನಗುವಿನ ಮೌಲ್ಯ
ಬಲ್ಲವನ ಬೆಲ್ಲದ ಸವಿ
ಮಧುರ ಮಿಲನದ ಸಂತೃಪ್ತಿ
ಏನಿದ್ದರೇನ್ ಬಾಳಲಿ
ನೆಮ್ಮದಿಯೊಂದಿಲ್ಲದಿದ್ದರೆ
ಮಕ್ಕಳಾಟದಿ ಮೈಮರೆತು
ನೋವ ಮರೆತು ನಲಿವ ಕಾಣಬೇಕು
ಆ ಸತ್ಯ ಕಾಣುವ ಮನಸು
ನಮದಾಗಲಿ
ಹರಸಿ ಹಾರೈಸಿ ಮಕ್ಕಳೇ
ಶಿವಕುಮಾರ ಕೋಡಿಹಾಳ ಮೂಡಲಗಿ
About The Author
