ಬದುಕು…
ಗಾಳಿಗೆ ತೂಗುವ ದೀಪವಾದರೂ
ಭರವಸೆಯ ಬೆಳಕು.

ಬದುಕು…
ಮುರಿದ ಕನಸುಗಳ ಮಣ್ಣಿನೊಳಗೆ
ಮತ್ತೆ ಮೊಳಕೆಯೊಡೆಯುವ ಭರವಸೆಯ ಬೀಜ.

ಬದುಕು…
ಒಮ್ಮೆ ಕಣ್ಣೀರಿನ ನದಿ,
ಮತ್ತೊಮ್ಮೆ ನಗುವಿನ ಸಮುದ್ರ.
ಆದರೂ ಎರಡನ್ನೂ ದಾಟಿ ಸಾಗುವ
ಮನದ ಹಠದ ನೌಕೆ.

ಬದುಕು…
ತಾಯಿಯ ಮಮತೆಯ ಮೃದುವಾದ ಸ್ಪರ್ಶ,
ತಂದೆಯ ಬೆವರಿನ ಉಪ್ಪಿನ ಸತ್ಯ.
ಸ್ನೇಹದ ನೆರಳಲ್ಲಿ ಅರಳುವ ನಗು,
ಪ್ರೀತಿಯ ಮೌನದಲ್ಲಿ ಹುಟ್ಟುವ ಸ್ವರ್ಗ.

ಬದುಕು…
ಸಾವಿರ ಬಾರಿ ಸೋತರೂ
ಮತ್ತೆ ಎದ್ದು ನಡೆಯುವ ಹೆಜ್ಜೆಯ ಧೈರ್ಯ.
ಕತ್ತಲ ರಾತ್ರಿ ಎಷ್ಟು ದಟ್ಟವಾದರೂ
ಬೆಳಗಿನ ಸೂರ್ಯ ಬರುವನೆಂಬ ನಂಬಿಕೆ.

ಬದುಕು…
ಹೂವಿನಷ್ಟು ಮೃದುವಾದರೂ
ಕಲ್ಲಿನಷ್ಟು ಕಠಿಣ.
ಒಮ್ಮೆ ಗಾಯ ಕೊಡುವುದು,
ಮತ್ತೊಮ್ಮೆ ಅದೇ ಗಾಯಕ್ಕೆ ಮದ್ದು ಆಗುವುದು.