ಕಾವ್ಯ ಸಂಗಾತಿ
ಡಾ. ಹೆಚ್. ನಟರಾಜ್ ಆರ್ಯ
“ನನ್ನೊಳಗೆ“
ನನ್ನೊಳಗೆ ಬೆಳಕೊಂದು
ಮೌನವಾಗಿ ಹೊಳೆಯಿತು,
ಮೋಡದಾಚೆ ಹುಡುಕಿದ ಕಣ್ಣು
ಮನದೊಳಗೆ ಮರಳಿತು.
ನದಿಯಂತೆ ದಿನ ಹರಿದು,
ಗಾಳಿಯಂತೆ ಸುಖ ಸರಿದು;
ಜಿಂಕೆಯ ಭಯ, ಸಿಂಹದ ಉರಿ
ಒಂದೇ ಎದೆಯಲಿ ಬೆರೆತು.
ಹುಟ್ಟಿನ ಕಂಬನಿ ಹನಿಯಲಿ,
ತಾಯಿ ನಗುವಿನ ಹೊನಲಲಿ;
ದುಃಖದ ಕಾವು, ಸುಖದ ತಂಪು
ಒಂದೇ ಮನದ ನೆರಳಲಿ.
ಕಲ್ಲಿನ ಗುಡಿ ದಾಟಿದರೂ
ಕಾಣದ ಸತ್ಯ ಉಳಿಯಿತು,
ಕಣ್ಣು ಮುಚ್ಚಿದ ಮೌನದಲಿ
ಆತ್ಮದೀಪ ಹೊತ್ತಿತು.
ಬಂಧದ ಬೇರು ಮನದಲಿ,
ಮುಕ್ತಿಯ ಹೂವು ಮನದಲಿ;
ಮನ ಹಸಿರಾದ ಕ್ಷಣದಲಿ
ಬದುಕು ಹೂವಾಯಿತು.
ಡಾ. ಹೆಚ್. ನಟರಾಜ್ ಆರ್ಯ.
About The Author
sir
ಒಳಗಿನ ಬೆಳಕು ಸದಾ ಹೆಚ್ಚು ಹೆಚ್ಚಿನ ಕವಿತೆಯ ರೂಪದಲ್ಲಿ ಸದಾ ಮಿನಿಗುತಿರಲಿ
Bro.
ಚೆನ್ನಾಗಿದೆ…
ಮನದೊಳಗಿನ ಭಾವನೆ ಗಳು ಕೊಚ್ಚಿ ಕೊಂಡು ಹೊರಬಂದಾಗ ಆಗುವ ನಿರಾಳತೆ ನಿಮ್ಮ ಈ ಕವಿತೆ ಓದಿದಾಗ ಉಂಟಾಗುತ್ತದೆ ಸರ್. ಬದುಕಿನ ವಾಸ್ತವತೆ ಯ ಕಟು ಸತ್ಯದ ನೆರಳು ಈ ಕವಿತೆ ತೋರಿಸಿಕೊಡುತ್ತದೆ. ಧನ್ಯವಾದಗಳು ನಿಮ್ಮ ಈ ಕ್ರಿಯಾಶೀಲ ಬರವಣಿಗೆಗೆ ಸರ್