ಕಾವ್ಯ ಸಂಗಾತಿ
ಅನ್ನಪೂರ್ಣ ಸಕ್ರೋಜಿ ಪುಣೆ
“ತಾಯ್ತನ”
ಜೀವಸಂಕುಲದ ತಾಯ್ತನದ
ವಿಶ್ವದ ತತ್ವವೇ ಅವ್ವ
ಮಾನವ ಜನ್ಮದ ಜೀವನದ
ಸಾರದ ಸತ್ವವೇ ಅವ್ವ||
ಸೃಷ್ಟಿಕರ್ತನ ಲೀಲೆ ಭುವಿಯ
ಅತ್ಯದ್ಭುತ ಸೃಷ್ಟಿ
ದೇವ ತಾ ಇಳೆಗಿಳಿದುಬಾರದ
ಮಮತೆಯ ವೃಷ್ಟಿ||
ಬಡವಳಿರಲಿ ಬಲ್ಲಿದಳೇ ಇರಲಿ
ಮಕ್ಕಳಿಗೆ ಮಾತೆ ಶ್ರೇಷ್ಠ
ಭಿಕ್ಷುಕಿ ಇರಲಿ ರಾಣಿ ಆಗಿರಲಿ
ಮಕ್ಕಳಿಗೆ ತಾಯಿ ನಿಷ್ಠ ||
ಇರುವೆಯಿಂದ ಆನೆಯವರೆಗೆ
ಅವುಗಳ ತಾಯಿ ಆಧಾರ
ದೇವಾನುದೇವತೆಗಳಿಗೂ ಸಹ
ಆದಿಶಕ್ತಿಯೇ ಆಶ್ರಯ||
ಮಾನವ ಜನ್ಮದ ಸಾರ್ಥಕತೆ
ಜನ್ಮ ಕೊಟ್ಟ ಹೆತ್ತತಾಯಿ
ಜೀವನದಲ್ಲಿ ಬದುಕಿ ಇರಲು
ಅನ್ನ ನೀಡಿದ ಭೂತಾಯಿ ||
ನೀರು ಕೊಟ್ಟ ಕಾವೇರಿ ತಾಯಿ
ನುಡಿ ಕಲಿಸಿದ ಕನ್ನಡ ತಾಯಿ
ನನ್ನ ಜೀವದಾತೆ ಭಾರತಮಾತೆ
ತಮಗೆಲ್ಲರಿಗೂ ಚಿರಋಣಿ ನಾ||
ಅನ್ನಪೂರ್ಣ ಸಕ್ರೋಜಿ ಪುಣೆ
About The Author
