ನಿಮ್ಮ ಲೇಖನಗಳನ್ನು ಇ-ಮೇಲ್ ಅಥವಾ ವಾಟ್ಸಪ್ ಮುಖಾಂತರ ನಮ್ಮ ಸಂಗತಿ ವೆಬ್ಸೈಟ್ ಕಳಿಸಬಹುದು ವಾಟ್ಸಪ್‌ :- 9483261944, ಇಮೇಲ್ :- sangaatipatrike@gmail.com

ದೀಪಾವಳಿಯ ಸಂತಸದ ಬೆಳಕಿನ ಹಬ್ಬದಲ್ಲಿ
ಸಿಹಿ ಹೋಳಿಗೆಯ ಸವಿ ಊಟದಲ್ಲಿ
ಸಿಡಿದ ಸಿಡಿ ಪಟಾಕಿಯ ಶಬ್ದದಲ್ಲಿ
ಕಣ್ಣಲ್ಲಿ ತುಂಬಿಸಿದೆ ಪ್ರೀತಿ ಅರಮನೆಯಲ್ಲಿ

ದೀಪಗಳ ಸಾಲು ಸಾಲು ಹಣತೆ ಗಳಲ್ಲಿ
ಸುಂದರ ಪ್ರತಿಬಿಂಬ ನನ್ನ ಮನಸಿನಲ್ಲಿ
ಹೊಳಪಿನ ಛಾಯೆ ಮರೆಯಲಾರೆ ಬದುಕಿನಲಿ
ಅಚ್ಚರಿಯ ಮೂಡಿಸಿದೆ ಬಾಳ ಬೆಳದಿಂಗಳಲಿ

ಹೊಸತನದ ಹೊಸ ಆಸೆ ಭರವಸೆಯಲಿ
ಮನದಿ ಮೂಡಿಸಿದೆ ಮಲ್ಲಿಗೆಯ ಘಮದಲಿ
ಬಿಂಬಿಸಿದೆ ಹೊಸರಾಗ ಹೃದಯದಲಿ
ಜೊತೆ ನಿಂತೆ ಆರದ ದೀಪದಲಿ

ನವಜೀವನದ ತಿಳಿ ತಂಗಾಳಿ ಬೀಸಿದಂತೆ
ಚೈತನ್ಯದ ಚಿಲುಮೆ ಬಾಳಲಿ ಚಿಮ್ಮಿದಂತೆ
ಜೊತೆಯಾಗಿರು ಮರೆಯದ ಮಾಣಿಕ್ಯದಂತೆ
ಬರಿದಾದ ಬದುಕಲಿ ಜ್ಯೋತಿಯ ಬೆಳಕಂತೆ.

———-

About The Author

Leave a Reply

You cannot copy content of this page

Scroll to Top