ಹುಟ್ಟಿ ಬಂದಿಹೆ ನೀನು ಈ ಭುವಿಯಲಿ
ಅನುಭವಿಸಲೆಲ್ಲವನು ಈ ಬದುಕಲಿ..

ಸುಖದ ಜೊತೆಗೆ ಸ್ವಲ್ಪ ದುಃಖವಿರಲಿ
ಬೆಲ್ಲದ ಜೊತೆ ತುಸು ಬೇವು ಇರಲಿ..

ನೋವುನಲಿವುಗಳು ಕೂಡಿ ಬರಲಿ
ಮೊಗದಿಎಂದೆಂದೂ ನಗುತುಂಬಿರಲಿ..

ಹಗಲು ಬರುವುದು ಇರುಳಸರಿಸುತಲಿ
ದೀಪಬೆಳಗುವುದುತಿಮಿರದೂಡುತಲಿ..

ಸ್ನೇಹಪ್ರೀತಿಗಳು ಹೃದಯದೊಳಿರಲಿ
ಕೋಪ ಅಸೂಯೆಎಲ್ಲ ಭಸ್ಮವಾಗಲಿ..

ಒಲವಝರಿಯೊಂದುಜಿನುಗುತಿರಲಿ
ಮನದೊಳೆಂದೂ ಅದು ಚಿಮ್ಮುತಿರಲಿ..

 *ಇರುವಂತೆ ಇರಬೇಕು* ದೇವನೊಲುಮೆಯಲಿ
ಬಾಳಿಗದು ಭದ್ರತೆ ನಿನಗೆ ನೆನಪಿರಲಿ..