ಅವಳ ಪ್ರಾರ್ಥನೆಗಳಲ್ಲಿ ನನ್ನ ಭವಿಷ್ಯ ಇತ್ತು,
ಅವಳ ತ್ಯಾಗಗಳಲ್ಲಿ ನನ್ನ ಯಶಸ್ಸು ಇತ್ತು,
ಅವಳ ನಂಬಿಕೆಯಲ್ಲಿ ನನ್ನ ಜೀವನದ ಬೆಳಕು ಇತ್ತು…

ಸೋತಾಗ ಸೋಲಿಗೆ ಹೆದರಿ,
ಖಿನ್ನತೆಯತ್ತ ಮುಖ ಮಾಡಿ ನರಳಲು
ಬಾನೆತ್ತರ ಭರವಸೆ ತುಂಬಿ,
ತೂಗಾಡುವ ಮಂಚದಲ್ಲಿರಿಸಿ,
ತೊಡೆಯ ಮೇಲೆ ಮಲಗಿಸಿ,
ಮಮತೆಯ ಸ್ಪರ್ಶದಿಂದ ಹುರಿದುಂಬಿಸಿದಳು…
ಅಮ್ಮ. 

ಹೇಗೆ ತೀರಿಸಲಿ ಋಣವ,
ಮತ್ತೊಮ್ಮೆ ಮಗುವಾಗಿ ಜನ್ಮವೆತ್ತಲೇ…
ಅವಳಿಗೇ ತಾಯಿಯಾಗಿ ಮಡಿಲಾಗಲೇ,
ಅಕ್ಕನಾಗಿ ಅಪ್ಪುಗೆಯ ಕೊಡಲೇ,
ತಂಗಿಯಾಗಿ ತುಂಟಾಟವಾಡಲೇ,
ಯಾವ ಬಂಧವಾಗಿ ಬಂದರೂ ಸರಿ,
ಅವಳ ಪ್ರೀತಿಯ ನೆರಳಲ್ಲಿ ಮತ್ತೆ ಬದುಕಲೇ…