ಸ್ಮೃತಿಯ ಬಾಗಿಲ ಮೇಲೆ
ಒಂದಾದ ಮೇಲೊಂದು ಋತುಗಳ ಬೆರಳುಗಳು
ಮುಚ್ಚಿದ ಗುರುತು ಬಿಡುವುದು
ನಿಲ್ಲುವುದಿಲ್ಲ!

ನನಗೆ ಗೊತ್ತು ಈ ಕಾಲದ ಜಾತ್ರೆಯೊಳಗೆ
ಹೃದಯ ತಪ್ಪಿಹೋಗುವುದು ನಿಲ್ಲುವುದಿಲ್ಲ!
ಕೈಚೆಲ್ಲಿದ ಕ್ಷಣಗಳಿಗೆ ಇಲ್ಲಿ
ಮತ್ತೆ ಹೆಸರು ಕೊಡಲಾಗುವುದಿಲ್ಲ!

ಇಷ್ಟಾದರೂ ಹಾರಿ ಹೋದ ಹಕ್ಕಿಗಳ
ರೆಕ್ಕೆಗಳ ಸದ್ದು
ನನ್ನ ಅಂತರಂಗದೊಳಗೆ ಉಳಿಯುವುದಿಲ್ಲ!
ಅವು ಗೂಡಿನಲ್ಲಿ ಬಿಟ್ಟುಹೋದ
ಬೆಚ್ಚಗಿನ ನಿಶ್ಶಬ್ದ ನನ್ನದಾಗುವುದಿಲ್ಲ!
ಒಮ್ಮೆ ದೀಪ ಹಚ್ಚಿದ ಕೈಗಳು
ಮತ್ತೆ ಈ ಕತ್ತಲಿನಲ್ಲಿ
ನನಗಾಗಿ ಬೆಳಕು ಹಂಚುವುದಿಲ್ಲ!