೨
ಅಪ್ಪನ‌ ನೇಗಿಲ
ಕುಳಕ್ಕೆ ಬೇಸರವೆಂಬುದಿಲ್ಲ
ಬರಿ ಹಸಿರು ಬಿತ್ತುತ್ತದೆ

೩
ಲೋಕ ನಿದ್ದೆಗಣ್ಣಲ್ಲಿದೆ
ಎಚ್ಚರಿಸ ಬೇಕಾದ ದೈವ
ಮರೆತು‌ ಮಲಗಿದೆ

೪
ಯುದ್ಧ ನಿಲ್ಲದು
ಎದೆಯಲ್ಲಿ ಶಾಂತಿ ತೋಟ
ಬೆಳೆಯುವವರೆಗೆ

೫
ಕೈಯ ಕೋವಿಗೂ
ಕ್ಷಮಿಸುವ ಶಕ್ತಿ
ಕೊಟ್ಟಾಗ ಬುದ್ಧ ನಗುತ್ತಾನೆ

೬
ನಮ್ಮ‌ಕೇರಿಯ
ತುಂಬ ಹೂವು ಚೆಲ್ಲಿವೆ
ರಂಜಾನ್,ಯುಗಾದಿ ಕೂಡಿ ನಡೆದಿವೆ
೭
ಅವ್ವ  ತಟ್ಟುವ
ರೊಟ್ಟಿಗೆ ಜಗದ ಹಸಿವು
ನೀಗಿಸೊ ತಾಕತ್ತಿದೆ

೮
ಬರೆದು ಸೋಲುತ್ತೇನೆ
ಆಕೆ ಮಹಾಜಾಣೆ
ಕಣ್ಣೊಳಗೇ ಓದಿ ನಗುತ್ತಾಳೆ

೯
ನಾನು ಅಕ್ಷರ ಜೀವ
ಅವಳು‌ ಪ್ರೇಮದ ಅರ್ಥ
ಬಲ್ಲವಳು ಸಾಂಗತ್ಯ ಸಸಾರ