ನಿಮ್ಮ ಲೇಖನಗಳನ್ನು ಇ-ಮೇಲ್ ಅಥವಾ ವಾಟ್ಸಪ್ ಮುಖಾಂತರ ನಮ್ಮ ಸಂಗತಿ ವೆಬ್ಸೈಟ್ ಕಳಿಸಬಹುದು ವಾಟ್ಸಪ್‌ :- 9483261944, ಇಮೇಲ್ :- sangaatipatrike@gmail.com

ಕತ್ತಲಾಗಿದೆ ಇಲ್ಲಿ ಸಾಲು ದೀಪ ಹಚ್ಚಿ ಹಬ್ಬ ಮಾಡೋಣ
ತಿಮಿರ ಮುಸುಕಿದೆ ಇಲ್ಲಿ ತಮ ಕಳಚಿ ಹಬ್ಬ ಮಾಡೋಣ

ಕೇಕೆ ಹಾಕುತಿದೆ ಕತ್ತಲೆ ಮುತ್ತಿಗೆಯ ಹಾಕಲು
ಮೌನದಿ ಬೆಳಕ ಕರೆದು ದೃಗ ಮುಚ್ಚಿ ಹಬ್ಬ ಮಾಡೋಣ

ಅಜ್ಞಾನ ಅಸಮಾನತೆಯನು ಆಹ್ವಾನಿಸುತ್ತದೆ
ಎಲ್ಲರೊಂದೇ ಎಂದು ಸ್ನೇಹದ ಕೈ ಚಾಚಿ ಹಬ್ಬ ಮಾಡೋಣ

ಸುಖದ ಬೆಂಬತ್ತಿ ಮನೆ ಮನ ಕತ್ತಲಾಗಿವೆ ಇಲ್ಲಿ
 ಶಾಂತಿ ಸಮಾಧಾನ ಕೈತುಂಬ ಬಾಚಿ ಹಬ್ಬ ಮಾಡೋಣ

ಬೆಳಕ ಬೀಜ ಬಿತ್ತುವ ಅರುಣಾಗೆ ಎದೆ ತುಂಬಾ ಹಿಗ್ಗು
 ಬೆಳ್ಳಿ ಬಟ್ಟೆ ತೊಟ್ಟು ಮದ ಮತ್ಸರ ಬಿಚ್ಚಿ ಹಬ್ಬ ಮಾಡೋಣ
ಅರುಣಾ ನರೇಂದ್ರ

About The Author

Leave a Reply

You cannot copy content of this page

Scroll to Top