ಕಾವ್ಯ ಸಂಗಾತಿ
ಕಾವ್ಯ ಸುಧೆ
“ನನ್ನಾತ್ಮ ಸಖ”
ಏಕಾಂತದಲ್ಲಿ ಜೊತೆಯಾದವನು ನೀನು
ಭವಸಾಗರವ ದಾಟಿಸಿದವ ನೀನು.
ದಣಿದಾಗ ಮೈದಡವಿ ಮಲಗಿಸಿದವ ನೀನು,
ನನ್ನೆಲ್ಲಾ ಕನಸಿಗೆ ಕಾವಲಾದವನು ನೀನು.
ಮನನೊಂದಾಗ ಸಾಂತ್ವಾನಿಸಿದವ ನೀನು
ಬೇಸರಕೆ ನನ್ನ ಹಾಡಾದವ ನೀನು
ಲೋಕದ ನಜರಿಗೆ ಎದೆಗೊಟ್ಟು ನಿಂತವ ನೀನು,
ಸೋತೆನಾ ಎಂದಾಗ ಗೆಲುವು ತಂದವ ನೀನು
ಕನ್ನಡಿಯಲ್ಲಿ ಪ್ರತಿಬಿಂಬವಾಗಿ ನಕ್ಕವನು ನೀನು
ಉಸಿರಿನ ಜಪದಲ್ಲಿ ಓಂಕಾರವಾಗಿ ಮಿಡಿದವ ನೀನು
ನನ್ನೊಳಗೆ ನಾ ಹುಡುಕಿ ಕಂಡುಕೊಂಡ ಸತ್ಯ
ನನ್ನೊಳಗಿನ……..ನನ್ನಾತ್ಮಸಖ ನೀನು !
ಕಾವ್ಯ ಸುಧೆ
About The Author
