ಕಾವ್ಯ ಸಂಗಾತಿ

ಶಾಲಿನಿ ಕೆಮ್ಮಣ್ಣು

ಜೀವನ ಸಂತೆ

ಜಗವೇ ಯುದ್ಧದ ಉನ್ಮಾದದಲ್ಲಿ
ಕೇಕೆ ಹಾಕುತ್ತಿರುವಾಗ
ಪ್ರೀತಿಯ ಮಾತು ನಾನು
ಹೇಗೆ ಆಡಲಿ

ಉಕ್ರೇನ್, ಪ್ಯಾಲೇಸ್ತೇನ್,
ಯಾವುದಾದರೇನ್
ಜೀವಗಳ ಗೌರವಿಸಿದ
ಪರಾಕ್ರಮವು ಸೂಪರ್ ಪವರ್
ಆದೀತೆ

ನಾನು ದೂರದ ಮಾತಾಡುತ್ತಿದ್ದೆನೆ
ಎಂದು ನಿಲ೯ಕ್ಷ್ಯ ಬಿಡು
ನಾಳೆ ಬಾಂಬ್ ನಿನ್ನ ಮಡಿಲಿಗೆ
ಬಂದು ಬೀಳಬಹುದು
ನನ್ನ ಮನೆಯು ಬಿದ್ದೋಗಬಹುದು

‘ಆಸರೆಗಾಗಿ ನಿನ್ನ ಎದೆಯ
ಗೂಡಲ್ಲಿ ಸ್ವಲ್ಪ ಜಾಗ ಇಟ್ಟಿರು ಗೆಳತಿ’

ನಾಜಿಗಳ,ಜಿಯೋಗಳ
ಅದೆಷ್ಟೋ ಅಮಾಯಕರ
ರಕ್ತ ಕುಡಿದರು
ಈ ನೆಲಕ್ಕೆ ರಕ್ತದ ಕಮಟಿನ ಆಸೆ
ಇನ್ನು ಮುಗಿದಿಲ್ಲ

ನಿನ್ನ ತುಟಿಗಳಿಂದ ಒಸರುವ
ಜೇನಿನ ಕೆಂಪನ್ನೆ ಆಘ್ರಾಣಿಸುತ್ತಿರುವ ನನಗೆ ಯುದ್ಧದ ನೆಲದಲ್ಲಿ ಹರಿಯುತ್ತಿರುವ
ರಕ್ತದ ಕೆಂಪು ವಾಕರಿಕೆ ಬರಿಸಿದೆ

ಶಾಂತಿಯ ಪಾರಿವಾಳಗಳು
ರೆಕ್ಕೆ ಮುದುರಿಕೊಂಡಂತಿವೆ
ನಿನ್ನ ಮುದ್ದಾದ ಪೋಟೊ ಒಂದನ್ನು
ಸೆಂಟ್ ಮಾಡುತ್ತಿದ್ದೆನೆ
ರಕ್ತ ಪಿಪಾಸು ಸೈನಿಕರಿಗು
ನಿನ್ನ ನೋಡಿ ಪ್ರೀತಿ ಹುಟ್ಟ ಬಹುದು

ನೀನು ನಕ್ಕಾಗ ಕೆನ್ನೆ ಮೇಲೆ
ಮೂಡುವ ಬಿಳಿ ನಗುವಿನ ಚುಕ್ಕಿ
ಯುದ್ಧ ಭೂಮಿಯಲಿ ಅರಳಿಸಲಿ
ಯುದ್ಧ ನಿಂತು ಪ್ರೀತಿ ಹುಟ್ಟಲಿ

ಟಿ.ದಾದಾಪೀರ್ , ತರೀಕೆರೆ

ಕಾವ್ಯ ಸಂಗಾತಿ

ಡಾ ಅನ್ನಪೂರ್ಣ ಹಿರೇಮಠ ಕವಿತೆ

ನೀ ಬಂದು