ನಿಮ್ಮ ಲೇಖನಗಳನ್ನು ಇ-ಮೇಲ್ ಅಥವಾ ವಾಟ್ಸಪ್ ಮುಖಾಂತರ ನಮ್ಮ ಸಂಗತಿ ವೆಬ್ಸೈಟ್ ಕಳಿಸಬಹುದು ವಾಟ್ಸಪ್‌ :- 9483261944, ಇಮೇಲ್ :- sangaatipatrike@gmail.com

ನಿನ್ನ ಅನುಪಸ್ಥಿತಿ ಆಗಸದಂತೆ ಎಲ್ಲದರಲ್ಲೂ ಹರಡಿದೆ ಸುಮಲ್ಲಿ
ಮಲ್ಲಿಗೆಯ ಸುಮ ಅರಳದೆ ಜೀವನೊತ್ಸಾಹವೆ ಕರಗಿದೆ ಸುಮಲ್ಲಿ

ಕಂಗಳು ಸದಾ ನಿನ್ನನೇ ಹುಡುಕುತಿರುತವೆ ಕಣ್ಣು ತುಂಬಿಕೊಳ್ಳಲು
ಬೇಕೆನಿಸಿದಾಗ ನಿನ್ನನು ನೋಡಲಾಗದ ನೋಟ ಒಡೆದಿದೆ ಸುಮಲ್ಲಿ

ನನ್ನ ಎದೆಯಂಗಳದಲಿ ಕೂಸುಮರಿ ಆಟವಾಡಲು ಕಾಯುತಿರುವೆ
ನಿನ್ನನು ಬಿಗಿದಪ್ಪಲಾಗದೆ ಹೃದಯದ ಬಡಿತವು ನರಳಿದೆ ಸುಮಲ್ಲಿ

ನಿನ್ನ ಮಿಲನದ ಅಮೃತಧಾರೆಗೆ ಚಾತಕ ಪಕ್ಷಿಯಂತೆ ಹಂಬಲಿಸಿರುವೆ
ನಿನ್ನ ಸೇರಲಾಗದೆ ಆಯಸ್ಸು ಹೆಚ್ಚಿದಂತೆ ವಯಸ್ಸು ಬಳಲಿದೆ ಸುಮಲ್ಲಿ

ದಿನವೂ ನಿನ್ನ ಕೈ ಹಿಡಿದು ಸುತ್ತುವ ಕನಸು ಕನಸಾಗಿಯೇ ಉಳಿದಿದೆ
ಕಾಲದ ಅಂತರವು ಮಲ್ಲಿಯ ಮೈ ಮನವನು ಸುಡುತಿದೆ ಸುಮಲ್ಲಿ

————

About The Author

Leave a Reply

You cannot copy content of this page

Scroll to Top