ಕಾವ್ಯ ಸಂಗಾತಿ
ಮಾಗಿ ಚಳಿಯ moodu..
ಟಿ.ದಾದಾಪೀರ್
1)ನಿನ್ನ ಅಪ್ಪುಗೆಯಲ್ಲಿ
ಮೊದಲಿನ
ನಶೆ ಇಲ್ಲದಕ್ಕೇನೋ
ಮಾಗಿಯ ಚಳಿ
ಮೊದಲಿನಂತಿಲ್ಲ
ಕತ್ತರಿಸುತ್ತಿದೆ
ದೇಹವನ್ನೆಲ್ಲ
2) ನನಗೆ ಸೋಕುವ
ಮಾಗಿಯ ಗಾಳಿ
ನಿನಗೆ ತಾಕದೇನು ?
ಹತ್ತಿರ ಬಂದು ಬಿಡು
ಚಳಿಗಷ್ಟು
ಘನತೆ ಸಿಗಲಿ
3) ಚಳಿ ಎದುರಿಸುವ
ಅಸ್ತ್ರ ಹುಡುಕುತ್ತಿದ್ದೆನೆ
ಜೊತೆಯಾಗು
ಮಾಗಿಯ ಚಳಿಗೆ
ಒಂದಿಷ್ಟು
ಚಳಿಯ ಬಿಡಿಸೋಣ
4) ನಿನ್ನ ಚಾಳಿ ಬಿಟ್ಟಿದ್ದೆ !
ದೂರ ಇರಲು
ಮಾಗಿಯ ಚಳಿ ಬಿಡದು ;
ನಾವೇನು
ಎರಡು ದೇಶಗಳಲ್ಲ
ದೂರ ದೂರ ನಿಲ್ಲಲು
‘ಎರಡು ದೇಹಗಳಷ್ಟೆ!’
5) ನಮ್ಮಿಬ್ಬರ ನಡುವಿನ
ಶೀತಲ ಸಮರ
ಮುಗಿಯಲು
ಶೃಂಗ ಸಭೆ ( summit meating)
ನಡೆಯಬೇಕಿಲ್ಲ
ಮಾಗಿಯ ಚಳಿ ಸಾಕು
6) ಉಲ್ಲನ್ ಸ್ವೆಟರ್, ಉಣ್ಣೆ ರಗ್ಗು
ಮಾರಾಟದ
ಭರಾಟೆ
ಮಾಕೇ೯ಟಿನಲ್ಲಿ ;
ನೀನೊಮ್ಮೆ
ರೌಂಡ್ ಹಾಕಿ ಬಾ
ಊರೋಳಗೆ
ದುಡ್ಡಿಲ್ಲದವರು
ಚಳಿಯಲಿ
ಸ್ವಲ್ಪ
ಬೆಚ್ಚಾಗಾಗಲಿ !
7 ಮೂಡಣ ದಿಕ್ಕಿನಿಂದ
ನಿನ್ನೋಂದಿಗೆ
ಬೀಸುವ
ಮೂಡು ಗಾಳಿಯೂ
ಒಂತರಹ
ನಿನ್ನಂತೆಯೆ
Moody…
ರಾತ್ರಿ ಕೊರೆಯುತ್ತೆ
ಹಗಲಲ್ಲಿ ಮರೆಯುತ್ತೆ
ನೆನಪುಗಳು ಸುಳಿದಿರುಗುವಂತಿವೆ ಚಳಿಯ ಸಾಲುಗಳು
ನಿಜಾನಾ…?