ವ್ಯಾಲಂಟೈನ್ ವಿಶೇಷ

ಗಜಲ್

ಕಸ್ತೂರಿ ಡಿ ಪತ್ತಾರ

ಓಡುವ ಮೋಡ ಮಳೆಸುರಿದು ಹೋಗುವಂತೆ ಇರಬೇಕಿತ್ತು ನಿನ್ನ ಪ್ರೀತಿ
ಮಂಜಹನಿ ಬಿಸಿಲಿಗೆ ಕರಗಿದಂತೆ ಮನದಲಿ ಕರಗಬೇಕಿತ್ತು ನಿನ್ನ ಪ್ರೀತಿ

ಕಮಾನುಕಟ್ಟಿ ಕರಗಿದಂತೆ ಭಾವಕೆ ಒಲವ ಬಳಿಯಬೇಕಿತ್ತು ನಿನ್ನ ಪ್ರೀತಿ
ನೀರಮೇಲಿನ ಗುಳ್ಳೆಯಂತೆ ಅರಕ್ಷಣವಾದರೂ ನಲಿಯಬೇಕಿತ್ತು ನಿನ್ನ ಪ್ರೀತಿ

ಒಂದು ಕ್ಷಣ ಹುಣ್ಣಿಮೆಯ ಮೋಹಕ ಹೊನಲಾಗಿ ಚೆಲ್ಲಬೇಕಿತ್ತು ನಿನ್ನಪ್ರೀತಿ
ಅಂಬುದಿಯೆಂತೆ ಒಮ್ಮೆಯಾದರೂ ಉಕ್ಕುಕ್ಕಿ ಬರಬೇಕಿತ್ತು ನಿನ್ನ ಪ್ರೀತಿ

ವಸಂತಕಾಲದಲ್ಲಿ ವನ ಚಿಗುರುವಂತೆ ಮನದಲ್ಲಿ ಚಿಗುರಬೇಕಿತ್ತು ನಿನ್ನ ಪ್ರೀತಿ
ಬೆಳ್ಮುಗಿಲ ಬಾನಲಿ ಹಾರಾಡುವ ಹಕ್ಕಿಯಂತೆ ಹಾರಾಡಬಹುದಿತ್ತು ನಿನ್ನಪ್ರೀತಿ

ಪ್ರೀತಿಯ ಕುರುಹಾಗಿ ಒಂದಿಷ್ಟಾದರೂ ನನಗೆ ಮೀಸಲಿಡಬೇಕಿತ್ತು ನಿನ್ನ ಪ್ರೀತಿ “ಕಸ್ತೂರಿ”ಯೊಡನೆ ಒಂದರಗಳಿಗೆಯಾದರೂ ಒಲವಿಂದ ಕಳೆಯಬೇಕಿತ್ತು ನಿನ್ನ ಪ್ರೀತಿ.

---