ಗಜಲ್
ಛೋಟು ಹೊಟ್ಟೆಗಾಗಿ ಮೋಟೆ ಕಟ್ಟಿಕೊಳ್ಳದಿರು ಪ್ಯಾರಿ
ಕಾಲ ಬೊಬ್ಬೆಗೆ ಹೇಳಿದ ಸಾಂತ್ವನ ಮರೆಯದಿರು ಪ್ಯಾರಿ
ಮನುಷ್ಯತ್ವ ಮಾರಿ ಕೊಂಡವನ ಎದುರು ಅಂಗಲಾಚದಿರು ಪ್ಯಾರಿ
ಅನ್ನಕ್ಕಾಗಿ ಅರಸುವವನ ಮುಂದೆ ಡೊಳ್ಳು ಹೊಟ್ಟೆಯ ಕೇಕೆ ಹಾಕದಿರು ಪ್ಯಾರಿ
ಮಂದಿರ ಮಸೀದಿ ಇಗರ್ಜಿಗಳಿಗೆ ಶತಮಾನದ ಬೀಗ ಜಡೆಯದಿರು ಪ್ಯಾರಿ
ತುಕ್ಕು ಹಿಡಿದ ತುಟಿಗಳಿಗೆ ಕೀಲೆಣ್ಣಿ ಹಾಕಲು ಮರೆಯದಿರು ಪ್ಯಾರಿ
ಓಡಿ ಹೋದ ಪ್ರೇಮಿಗಳಿಗೆ ಶಕುನಿಯಾಗದಿರು ಪ್ಯಾರಿ
ಗಾಂಧಿ ತಾತನ ಮೂರು ಮಂಗಗಳೂ ಮಂಗಮಾಯ ಮಾಡದಿರು ಪ್ಯಾರಿ
ನಿಸರ್ಗದ ಕಾರ್ಖಾನೆಯಲಿ ಜೊಳ್ಳು ಸರಕು ಕೊಳ್ಳದಿರು ಪ್ಯಾರಿ
ಆಶಿಕ್ ನ ಎದೆಯಲಿ ಅರಳುವ ಮೊಗ್ಗುಗಳನ್ನು ಕೀಳದಿರು ಪ್ಯಾರಿ
ಎ ಎಸ್. ಮಕಾನದಾರ
About The Author
ಚೆನ್ನಾಗಿ ಬಂದಿದೆ ಗಜ಼ಲ್..
ಪ್ಯಾರಿ ಪ್ರೀತಿಗೆ ಹನಿಯ ಸ್ನಾನ
ಧನ್ಯವಾದಗಳು ಸರ್
ಪ್ಯಾರಿಯ ಪ್ರೀತಿ ಬಲುಭದ್ರ ವಾದದ್ದು
ಅದಕ್ಕಾಗಿ ಜೀವಗಳು ಬಹಳ ಕಾಲ ಕಾದದ್ದು
ಗುರುಗಳೇ ಧನ್ಯವಾದಗಳು