ಕಾವ್ಯ ಸಂಗಾತಿ

ಗಜಲ್

ಮಾಜಾನ್ ಮಸ್ಕಿ

ಕಣ್ಣಾಲಿಯಲ್ಲಿ ಹನಿ ಜಿನುಗುತ್ತಿದೆ ನೋಡಿ ಸುಮ್ಮನಿರಲಿ ಹೇಗೆ
ಮುಳ್ಳಿನಂತಹ ನುಡಿಗಳು ಚುಚ್ಚುತ್ತಿದೆ ನೋಡಿ ಸುಮ್ಮನಿರಲಿ ಹೇಗೆ

ಜ್ಞಾನವೋ ಅಜ್ಞಾನವೋ ತಿಳಿಯಲಾರೆವು ಪರಪಂಚದಲ್ಲಿ
ಅಹಂ ಪ್ರತಿಷ್ಠೆಯ ಹೊಗೆಯಾಡುತ್ತಿದೆ ನೋಡಿ ಸುಮ್ಮನಿರಲಿ ಹೇಗೆ

ಕಾಮಾಲೆ ಕಣ್ಣಿಗೆ ಲೋಕವೆಲ್ಲ ಹಳದಿಯಾಗಿ ಕಾಣುವುದು
ಅಸೂಯೆಯ ಬೆಂಕಿ ಹೊತ್ತಿ ಉರಿಯುತ್ತಿದೆ ನೋಡಿ ಸುಮ್ಮನಿರಲಿ ಹೇಗೆ

ಬಿರುಸು ಮಾತಿನಿಂದ ಸ್ನೇಹ ಬೆಸೆಯುವುದೇ ಗಾಲಿಬ್
ಮದ ಏರಿದ ಅಧಿಕಾರದಿ ಮಣಿಸುತ್ತಿದೆ ನೋಡಿ ಸುಮ್ಮನಿರಲಿ ಹೇಗೆ

ಅರಿತವರು ಅರಿಯದವರು ಎಲ್ಲಾರು ಇರುವರು ಇಲ್ಲಿ ಮಾಜಾ
ಮೌಲ್ಯಯುತಕ್ಕೆ ಸಂಶಯ ಪಡುತ್ತಿದೆ ನೋಡಿ ಸುಮ್ಮನಿರಲಿ ಹೇಗೆ

---