ಗೆಳೆಯ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕವಿತೆ

ಗೆಳೆಯ

ಪ್ರೊ ವಿಜಯಲಕ್ಷ್ಮಿ ಪುಟ್ಟಿ

ಗೆಳೆಯ
ನಿನ್ನ ಮನದ
ಮೂಲೆಯಲಿ
ನನಗೊಂದು
ಪುಟ್ಟ ಗುಡಿಸಲು ಇರಲಿ
ಅಲ್ಲಿ
ನನ್ನ ಭಾವ ಕನಸುಗಳ
ಬಿಚ್ಚಬೇಕು
ನನ್ನಲಹರಿ ನಾದಕೆ
ಕವನ ಕಟ್ಟಬೇಕು
ಮುಕ್ತ ಅಭಿವ್ಯಕ್ತಿಗೆ
ಹೃದಯ ತೆರೆದು
ಮಾತನಾಡಲು
ಸಿದ್ಧಗೊಳ್ಳಬೇಕು
ಅಪ್ಪನಿಲ್ಲದ ಬದುಕು
ನೆಲೆಗೊಳ್ಳಲಿ ನಿನ್ನಲಿ
ನನ್ನ ಪ್ರೇಮ ಸ್ನೇಹ
ಕರುಣೆ ವಾತ್ಸಲ್ಯ
ದಣಿದಿರುವ ದೇಹಕೆ
ಬಳಲಿ ಬೆಂಡಾದ ಗೂಡು
ಪ್ರೀತಿ ಚಿಲುಮೆ ನೀಡು
ನಿನ್ನ ಸಾಮಿಪ್ಯ
ನನಗೆ ಶ್ರೀರಕ್ಷೆಗೆ
ನಿನ್ನ ಮಧುರ
ಅಮರ ಪ್ರೇಮ
ಇಗೋ ನಿನಗೆ ನಮನ
ಬದುಕಿಸು ನನ್ನ
ನೂರು ಭಾವಗಳ ಜೀವನ
ಗೆಳೆಯ
ನಿನ್ನ ಎದೆಯ
ಮೂಲೆಯಲಿ
ಬದುಕಲು
ಅನುವು ಮಾಡಿಕೊಡು
ನಿನ್ನೊಂದಿಗಿರುವೆ
ಬೆಚ್ಚಗೆ ನೋವ ಮರೆತು