ಅವಿಭಕ್ತ ಕುಟುಂಬದಲಿ ಜನಿಸಿ
ಅಸ್ಪೃಶ್ಯತಾ ಅಂಧಕಾರವನು ಅಳಿಸಿ
ಜಾತೀಯತೆ ಹೊಡೆದೊಡಿಸಲು
ಜಾತ್ಯತೀತ ಭಾವ ಮೂಡಿಸಲು ಮೂಡಿಹರು ದಲಿತ ಸೂರ್ಯ’ರು -೧-

ಅಸ್ಪೃಶ್ಯತೆಯ ಕಹಿಯನು ಉಂಡು
ಅವಮಾನದಿ
ಕುಲುಮೆಯಲಿ ಬೆಂದು
ಬದುಕಿನ ಬವಣೆಗಳಲಿ ನೊಂದು
ಅಸಹಾಯಕತೆಯ ಕಣ್ಣಿರಲಿ ಮಿಂದು
ದೀನ-ದುರ್ಬಲರ ಧ್ವನಿಯಾಗಿಹರು  -೨-

ಸಮಾನತೆಯ ಲೇಖನಿ ಹಿಡಿದು
ಸಮ ಸಮಾಜಕೆ ಸಂವಿಧಾನ’ವ ಬರೆದು
ಸರ್ವರಲೂ ಸಮಭಾವ ತಂದು  
ಸಾಮಾಜಿಕ ನ್ಯಾಯವೆಂದು ಸಾರಿಹರು ಮಾನವತಾವಾದಿ
ಆಗಿಹರು  -೩-

ಅಕ್ಷರಗಳನು ಆಯುಧವಾಗಿರಿಸಿ
ಅಂಧಶ್ರದ್ಧೆಗಳನು ಬೇಧಿಸಿ
ಲೇಖನಿಯ ಮಸಿ
ಕೋಟಿ-ಕೋಟಿ ಜನಗಳಿಗೆ ಬಿಸಿ
ಎಂದಬ್ಬರಿಸಿ ಘರ್ಜಿಸಿದ ಭೀಮ’ರಿವರು -೪-