ಕಾವ್ಯ ಸಂಗಾತಿ
ಬಂದು ಸೇರಿಬಿಡು ಒಲವೇ
ಅದೇಕೆ ಬೆನ್ನು ಮಾಡಿ ನಿಂತೆ
ನನ್ನ- ನಿನ್ನ ಒಲವಿಗೆ
ನೀ ತಿರುಗಿ ಹೋದ ಕ್ಷಣ
ನಗು ನಿಂತು ಅಳಲಾರಂಭಿಸಿತು
ಬದುಕ ಸೂರ್ಯನಿಗೆ
ಗ್ರಹಣದ ಕರಿನೆರಳು ಚಾಚಿತು
ನದಿಗಳು ಹಿಮ್ಮುಖವಾಗಿ ಓಡಿ
ಸಾಗರದಿಂದ ದೂರಾದವು
ನೆನಪುಗಳು ದುಃಖದ ಕಡಲಲ್ಲಿ
ಕಣ್ಣೀರ ಮಳೆ ಸುರಿಸಿದವು
ಅದೇಕೆ ಮರೆಯಲಿ ನಿಂತು
ಮೌನವಾಗಿ ನೋಡುತಿರುವೆ
ಒಲವಿಗೆ ವಿರಹದ ಜ್ವಾಲೆ
ಹೊತ್ತಿಕೊಳ್ಳುವ ಮುನ್ನ
ಹೃದಯ ಕತ್ತಲಾಗುವ ಮುನ್ನ
ಉಸಿರು ಮಸಣ ಸೇರುವ ಮುನ್ನ
ಬಂದು ಸೇರಿಬಿಡು ಒಲವೇ….
ಲಕ್ಷ್ಮಿ ಕೆ ಬಿ
About The Author
