ಕಾವ್ಯ ಸಂಗಾತಿ
ಪ್ರಪ್ರಿಪೇಟೈ
ಶ್ರೀನಿವಾಸ ಜಾಲವಾದಿ
ಇದೊಂದು ಸಾಮಾಜಿಕ ಪಿಡುಗು
ಭಯಂಕರ ವೈರಸ್ ಓಮಿಕ್ರಾನ್
ತನ್ನ ತಮಟೆ ಬಾಜಾ ಭಜಂತ್ರಿ
ಬಾರಿಸಿದ್ದೇ ಬಾರಿಸಿದ್ದು!
ಯಾರೆನೆಂದರೂ ಹಲ್ಕಿಸಿವ
ಉಗುಳಿದರೂ ಮೊಗದ
ಪೌಡರ್ ಅಳಿಸಿ ಹೋಗದಂತೆ
ಒರೆಸಿಕೊಳ್ಳುವ ಊಸರವಳ್ಳಿ !
ತನ್ನದೇ ಹೊಗಳಿಕೆಯ ಸದಾ
ಬಯಸಿ ಬಯಸಿ ಉಸಿರುವ
ಅರವಳಿಕೆಯ ಸದಾ ಮೆದುಳಿಗೆ
ಅಳವಡಿಸಿರುವ ಪಿಂಡಾಂಡಣು!
ಏನು ಹೇಳಲಿ ನಿನ್ನ ಬಳಿ ನಾ ಬಂದು
ಕೇಳು ಜನಮೇ ಜಯ ನೋಡು ನೀ
ಇದು ಸತ್ತವರ ನೆರಳಿನ ಛಾಯೆ
ಸಂಬಂಜಾ ದೊಡ್ಡದು ಕಣೋ!
ಆ ಊರು ಈ ಊರಿನ ಜಡಭರತ
ಅಮಾಸೆಯ ಒಡಲಾಳದ ಸಾಕವ್ವ
ಪರ್ವವೆಂಬೋ ಮಹಾಭಾರತದ
ಭೈರಪ್ಪ ಅನಂತನ ಸಂಸ್ಕಾರ!
ಎಲ್ಲ ಎಲ್ಲ ಸೇರಿ ಮಿಸ್ಸಳ ಭಾಜಿ
ಬಂತು ಬಂತದೋ ಬಂತು ಅದೆಲ್ಲಿ
ಬಂತು ಅದು ಇದ್ದಲ್ಲೇ ಇತ್ತು
ಬಕಬಾರಲೇ ಬಿತ್ತು ಕಲಬೆರಕೆ ಕಸ !
ಎಲ್ಲರಿಗೂ ಸಲಾಮು ಹೇಳುವೆ ನಾ
ತಲೆ ಬಾಗಿ ಕ್ರಿಸ್ತನ ಮುಂದೆ ಕೃಷ್ಣನ
ಮೊಂಬತ್ತಿ ಹಚ್ಚಿ ಧೂಪಾರತಿ ಬೆಳಗಿ
ನಿಲಾಂಜನದ ಕಾಂತಿಯ ಸೊಬಗೇ !
About The Author
ತುಂಬಾ ಚೆನ್ನಾಗಿದೆ. ಶೀರ್ಷಿಕೆಯ ಅರ್ಥ ಹೊಳೆಯಲಿಲ್ಲ?