ಗಜಲ್
ಕೆಲವೊಂದು ಸರಳ ವ್ಯಕ್ತಿತ್ವಗಳೇ ಹೀಗೆ ಉಳಿಯುವುದು ಸದಾ ಹಸಿರು
ಆದರಿಸುವಂತ ಹೃದಯಗಳೇ ಹೀಗೆ ಉಳಿಯುವುದು ಸದಾ ಹಸಿರು !
ಸರಿ ಹೊಂದುವವರು ಯಾರೂ ಇಲ್ಲ ಜಗದ ಈ ಜಂಜಾಟದೊಳು ತಿಳಿ
ಎಣಿಕೆಗೆ ಘಟಿಸುವ ಭಾವಗಳೇ ಹೀಗೆ ಉಳಿಯುವುದು ಸದಾ ಹಸಿರು !
ನ್ಯಾಯದ ತಕ್ಕಡಿಯಲ್ಲಿ ತೂಗಿದರೆ ಏನಂತೆ ಸಮವಾಗದು ಎಂದಿಗೂ
ಆದರೂ ಕೆಲವರ ಗುಣಗಳೇ ಹೀಗೆ ಉಳಿಯುವುದು ಸದಾ ಹಸಿರು !
ಬಚ್ಚಿಟ್ಟ ಬಯಕೆಗಳ ಅರುಹದೇ ಇದ್ದರೂ ಚಿಂತೆ ಇಲ್ಲ ಎನಗೆ ಸಮ್ಮತವು
ಅರ್ಥೈಸಿಕೊಳ್ಳುವ ಮನಸ್ಸುಗಳೇ ಹೀಗೆ ಉಳಿಯುವುದು ಸದಾ ಹಸಿರು !
ನಂಬಿದರೂ ನಂಬುಗೆಯನು ಕೈಬಿಡುವವರೇ ಅಧಿಕ ಕೇಳು ‘ನಯನ’
ವಿರಳವಾದರೂ ಸದ್ಗುಣಗಳೇ ಹೀಗೆ ಉಳಿಯುವುದು ಸದಾ ಹಸಿರು !!
ನಯನ. ಜಿ. ಎಸ್
About The Author
ಚೆನ್ನಾಗಿದೆ ನಯನ…ಹೀಗೆ ಬರೀತಾ ಇರು..ಒಳ್ಳೆಯದಾಗಲಿ