ಕಾವ್ಯ ಸಂಗಾತಿ ಎಮ್ಮಾರ್ಕೆ ಗಜಲ್ ಯಾತಕೋ ಗೊತ್ತಿಲ್ಲ ನನ್ನ ಮೌನ ಮಾತಿಗೆ ಇಳಿದಿದೆಏನೊಂದು‌ ಅರಿತಿಲ್ಲ ನನ್ನ ಮಾತು ಮೌನವ ತಳೆದಿದೆ ಪ್ರೀತಿಯಲ್ಲಂತೂ ಮಾತು ಮೌನಗಳದ್ದೇ ಕಾರುಬಾರು  ಮುದ್ದಿಸುವಾಗ ಸದ್ದೇ ಇಲ್ಲದೇ ಸವಿ‌ ಸಲುಗೆ ಬೆಳೆದಿದೆ ಲೋಕದ ಕಣ್ಣಿಗಂತೂ ಪ್ರೇಮಿಗಳೆಂದಿಗೂ ಹುಚ್ಚರೇಇಂದಲ್ಲ ಹಿಂದಿನಿಂದಲೇ ಜಗದ ಹಗೆಯು ಉಳಿದಿದೆ ಮನಸೆರಡು ಒಪ್ಪಿದರೇನು ಕುರುಡರು ಒಪ್ಪಬೇಕಲ್ಲಜಗತ್ತು ಪ್ರೀತಿಯನು ಜಾತಿ ಅಂತಸ್ತಿನಿಂದ ಅಳೆದಿದೆ ಮಹಾಂತ ಭರವಸೆಯ ಬುತ್ತಿ ಹಿಡಿದು ನಿಂತಿರುವನುಬರಿದೆದೆಯ ಬಾಂದಳದಿ ತಾರೆಯೊಂದು ಹೊಳೆದಿದೆ ಎಮ್ಮಾರ್ಕೆ

ಕಾವ್ಯ ಸಂಗಾತಿ ಗಂಗಾ ಚಕ್ರಸಾಲಿ “ಧ್ಯಾನದ ಮಂದಿರ” ಅವ್ವನಿಗೆ ಅಡುಗೆ ಮನೆಯೆಂದರೆಸ್ವತಂತ್ರವಾದ  ಧ್ಯಾನ ಮಂದಿರಮನದ ಭಿತ್ತಿಯೊಳಗಿನ ಬುತ್ತಿ ಬಿಚ್ಚಿಮೌನದಿ ಮಾತಿಗಿಳಿವ ಕೋಣೆಯದು | ವಿಧಧ ಬಣ್ಣದ ತರಕಾರಿಗಳಅವರಿಷ್ಟದ ಆಕಾರದಿ ಕತ್ತರಿಸಿಹುರಿದು, ಬೇಯಿಸಿ ಒಗ್ಗರಣೆ ಹಾಕುತ್ತಾಳೆ ಮಕ್ಕಳ ಕನಸುಗಳ ಘಮವ ಹರಡುತ್ತಾಳೆ | ರೊಟ್ಟಿಗಿಟ್ಟ ಹೆಸರು ಕೊತಕೊತನೆಕುದಿವಾಗ, ಮನದ ಕೋಪವಅದರೊಳಗೆ ಎಸೆಯುತ್ತಾಳೆಹಿಟ್ಟು ಕಲೆಸುವಾಗ ತಣಿಯುತ್ತಾಳೆ | ಅವರಿವರು ಹಂಗಿಸಿದ ಮಾತುಗಳನುರೊಟ್ಟಿ ಬಡಿತದ ಸದ್ದಿನಲಿಮೆಲ್ಲ ಮೆಲ್ಲನೆ ಕರಗಿಸುತ್ತಾಳೆತನ್ನ ತಾನೇ ಹಗುರಾಗುತ್ತಾಳೆ | ತವರು ಮನೆಯವರು, ಆತ್ಮೀಯರುಈಗಲೇ, ಎದೆಯೊಳಗೆ  ಬಂದಿಳಿಯುತ್ತಾರೆರೊಟ್ಟಿಯ ಒತ್ತಿ ಒತ್ತಿ ಉಬ್ಬಿಸುವಾಗತುಟಿಗಳಲಿ ನಗೆ ತಂದು ಕೊಳ್ಳುತ್ತಾಳೆ | ಹೌದು, ಮನೆಯೊಳಗೆ ಚೆಂದ ಚೆಂದಕೋಣೆಗಳಿದ್ದರೂ, ಬೇಡವಾದವು ಅವುಅಡುಗೆಮನೆಯ ಸಂತೆಯೊಳಗೆಧ್ಯಾನಿಸುವಿದೇ ಇಷ್ಟ ಅವಳಿಗೆ | ಗಂಗಾ ಚಕ್ರಸಾಲಿ

ಕಾವ್ಯ ಸಂಗಾತಿ ಸವಿತಾ ದೇಶಮುಖ “ತಂಪಾಯ್ತು ಮನ” ನಿಚ್ಚ ನೆಚ್ಚಿನ ನಿರಂತ ಕಾಯಕದೋಳುನಿರ್ವಂಚನೆಯ ನೀತಿ ನಿಯಮದೋಳುಮಗ್ನ ಮೈಮನ ಮರೆತ ಬಾಳಿನೋಳು !!೧!! ನಿತ್ಯ ಸತ್ಯದಿ ಜೀವಿಸುತ್ತಿರುವರಿಗೂಕಾಲುಂಟು, ಶಾಂತಿ ಬಾಳ್ವೆ ಬಾಳುವರಿಗೂಸತ್ಯದ ನಡೆಯ ನಂಬಿ ನಡೆಯುವರಿಗೂ!!೨!! ಬೆಲೆಯ ಕಟ್ಟಲುಂಟು,ಪ್ರಜ್ಞೆಯ ಪ್ರಕಾಶಕ್ರಿಯಾ ನಿಷ್ಠೆಯ ಪರಾಕಾಷ್ಟೆ ತುಂಬ ಕಳಶನಿಷ್ಕಲ್ಮಶ್ಯ.., ಆತ್ಮವೇ ನಿಧಿ  ಕೋಶ !!೩!! ಇದನರಿತವರ ನಡೆ ನುಡಿ ಆಚಾರ ಪರಮಪಥದತ್ತ ಬೆಳೆದು ನಿಂದ ವಿಚಾರ ಚರಮಮನವು  ಹರ್ಷ‌ತುಂಬಿದ ತುಳಕು- ಕರ್ಮ !!೪!! ಸತ್ಯಕ್ಕೆ ಸಾವಿಲ್ಲ ಸುಳ್ಳಿಗೆ ಸುಖವಿಲಿಸುಳ್ಳೇನಲ್ಲ ….ಧರ್ಮ ಸಕ್ರಿಯೆಯಲಿನಿತ್ಯ ನಿರತರು ಸು ಪ್ರಶನ್ನ ದುಡಿಮೆಯಲಿ!!೫!!  ಇರುವವರ ಕಂಡ ಮನ ಕುಣಿದಾಡಿತ್ತಚರಿತೆಯ ಪರಿಪೂರ್ಣತೆ ಮಟ್ಟ ತುಂಬಿತ್ತನಯನ ಭಾಷ್ಪ ತನ್ನಿಂದ ತಾನೇ ಜಾರಿತ್ತ!!೬!! ಜಗವು ಬರೀ ವಂಚನೆ ದ್ರೋಹ ಕಂತೆನಲ್ಲಸೋತವರ ‌ ಸುಲಿಗೆ ನಡೆವ ಅಂಗಳವೆನಲ್ಲಬರೀ ಮೋಸ ಸಂಚಿನ ಮನೆಯಲ್ಲ !!೭!! ನೈಜ ಸಹಿಷ್ಣತೆ ಬಾಂಧವ್ಯದ ಜನರಲಿಜಾಗೃತಿಯ ಅರಿವುವಿನ ಧಾರೆ ಎರೆವರಲಿಇನ್ನೂ ಜೀವಂತವಾಗಿದೆಯಲ್ಲ… !!೮!! ಸತ್ಯ ಕಾಯಕದ ನಿಷ್ಠೆ ಇರುವ ಮನಗಳು  ಶುದ್ಧಾತ್ಮಗಳೊಂದಿಗೆ ಜಗವು ಸಾಗುತಿದೆಮುಂದೆಮುಂದೆ ಕಂಡಾತ್ಮವು ತಂಪಾಯತ!!೯!! ಮನ ತಂಪಾಯ್ತ  ನೋಡಾ…. ಸವಿತಾ ದೇಶಮುಖ

ಕಾವ್ಯ ಸಂಗಾತಿ ವಾಣಿಶ್ರೀ ಎ ಹುಬ್ಬಳ್ಳಿ “ನೊಂದವಳು” ಏನೋ ಸಾಧಿಸಬೇಕೆಂಬಹಠ ಹಂಬಲ ಚಪಲ,ಬಿಡುತ್ತಿಲ್ಲ ಈ ಜಗವೆಂಬ ವಿಷವರ್ತುಲ;ಪ್ರಯತ್ನಗಳಲ್ಲಾಗುತ್ತಿವೆ ವಿಫಲ,ಹೋಗಲಿ ಬಿಡು—ಏನು ಸಾಧಿಸಿ, ಏನು ಫಲ?ಈ ಮಾನವ ಜನ್ಮ ಬಹುದೊಡ್ಡದು, ಜೀವನ ಬಹು ಚಿಕ್ಕದು; ಕ್ರೂರ ಪ್ರಾಣಿಗಳಂತೆ ವರ್ತಿಸಲು ಬಾರದು,ಮಾನವೀಯತೆಯನ್ನು ಕಳೆದುಕೊಳ್ಳಲು ಆಗದು.ಏನೇನೋ ಮಾಡಬೇಕೆಂದು ಹೊರಟರೆ,“ಬೇಡ, ಬಾ ಹಿಂದಕ್ಕೆ” ಎಂಬ ಕರೆ;ಈ ಕರೆಯಿರುವುದು ತೆರೆಯ ಮರೆಹಾಕಿಹುದು ಮನಸ್ಸಿನ ಮೇಲೆ ಬರೆ. ಮೌನದಲಿ ಮರುಗುತ್ತಿರುವೆನೊಂದವಳು ನಾನು ವಾಣಿಶ್ರೀ ಎ ಹುಬ್ಬಳ್ಳಿ

ಕಾವ್ಯ ಸಂಗಾತಿ ಸುಮತಿ ನಿರಂಜನ “ಚರಿತ್ರೆಯ ಕಸದ ಬುಟ್ಟಿ” ಯಾವುದು ಸತ್ಯಯಾವುದು ಮಿಥ್ಯಯಾರು ಮಹಾತ್ಮರುಯಾರು ಪಾಪಾತ್ಮರು ?ಕಸದ ಬುಟ್ಟಿ ಕೆದಕಿದಾಗಸಿಕ್ಕ ಚೂರು ಚೂರುಒಟ್ಟು ಮಾಡಿಭೂತಗನ್ನಡಿ ಹಿಡಿದುನೋಡಿದಾಗ…ರಕ್ತಸಿಕ್ತದೇಹದ ತಲೆತೂಗಾಡುತ್ತಿದೆ ಮೇಲೆಅದು ಯಾರದೂ ಅಲ್ಲ –ಮುಂದೆ ಯಾರೋನಿರ್ಧರಿಸುವ‌ ತನಕ…ಇದ್ದದ್ದೇ ಕಚ್ಚಾಟಕೊಲೆ ಸುಲಿಗೆ ಹಿಂಸಾಚಾರ ತುಂಡು ಬಿಳಿ ಖಾದಿಯತುಂಬ ಕಲೆ ತೊಳೆಯಲುಹರಿವ ನೆತ್ತರ ಹೊಳೆ.. ಸು,ಮತಿ ನಿರಂಜನ

ಕಾವ್ಯ ಸಂಗಾತಿ ಟಿ. ದಾದಾಪೀರ್ ತರೀಕೆರೆ “ನಾನು ಸಂಭ್ರಮಿಸುತ್ತೇನೆ” ಬರಗಾಲದ  ತತ್ತರಕ್ಕೆಹಸಿರು ಒಣಗಿ ಬಣ್ಣ ಕಳೆದುಕೊಳ್ಳುವ ಟೈಮಿನಲ್ಲಿನಿನ್ನ ಸೀರೆಯೊಳಗೆ ಬೆರೆತ ನಿನ್ನ ನಗುವಿನ ಬಣ್ಣಒಂದಷ್ಟು ನೆಮ್ಮದಿ, ಭರವಸೆ ಮೂಡಿಸುವಂತಿದ್ದರೆನಾನು ಸಂಭ್ರಮಿಸುತ್ತೇನೆ ಮಳೆ ಹೋಯ್ತು ಅನ್ನೊ ನೋವು ಆಕಾಶಕ್ಕೆ ಮುಖ ಮಾಡಿರುವಾಗದುತ್ತನೆ ಎದುರಾಗುವ ನಿನ್ನಕಂಡ ಕೂಡಲೆ ಮನಸು ತೇವ ಆಗುವುದಾದರೆನಾನು ಸಂಭ್ರಮಿಸುತ್ತೇನೆ ಕವಿತೆ ಯಾಗುವ ಜುಮುಕಿಗಳ ಝಲಕ್,ಬಳೆಗಳ ಮಧುರ ರಾಗಮಿಸುಕಾಡದ ನೆರಿಗೆಗಳ ಮೌನ ಸಲ್ಲಾಪಗಾಳಿ ಬೀಸುವ ಸೆರಗುಮೋಡಗಳ ಸೀಳಿ ಬರುವ ನಿನ್ನ ಉತ್ಸಾಹ ಕಂಡುಕ್ಯಾಲೆಂಡರ್ ನಲ್ಲಿ ಮಳೆ ನಕ್ಷತ್ರಗಳು ಕಾಣುವುದಾದರೆನಾನು ಸಂಭ್ರಮಿಸುತ್ತೇನೆ ಕಡುಗಪ್ಪು ಹೆರಳುಬೆಳ್ಳಿ ಮಿಂಚೊಂದು ಮೂಡುವಂತ ಮಲ್ಲಿಗೆ ಹೂ ಸರಕತ್ತರಿಗೆ ಸಿಕ್ಕಿ ಹೋಳಾದನಿನ್ನ ಹುಬ್ಬುಗಳುಕಾಮನ ಬಿಲ್ಲಿನ ಆಸೆಬಿತ್ತುವುದಾದರೆಬರಡು ನೆಲದ ಮೇಲೆ ನಿಂತು ನಿನ್ನ ಸಂಭ್ರಮಿಸುತ್ತೇನೆ ಟಿ. ದಾದಾಪೀರ್ ತರೀಕೆರೆ

ಕಾವ್ಯ ಸಂಗಾತಿ ಸತೀಶ್ ಬಿಳಿಯೂರು “ಮುದಿ ಜೀವಗಳ ಯಾತನೆ” ಅರಕಲು ಮುರುಕಲು ಗುಡಿಸಲೊಳಗೆಸಣ್ಣ ಇಣುಕೋ ಹಣತೆ ಬೆಳಕುನಾಲ್ಕು ಗೋಡೆಯ ಮಧ್ಯೆಯಲಿಹಿರಿದಾದ ಜೀವಗಳೆರಡರ ಬದುಕು ಜನ್ಮ ಕೊಟ್ಟು ಹೊತ್ತು ಮುದ್ದಾಡಿಕಷ್ಟಪಟ್ಟು ದುಡಿಮೆ ಮಾಡಿಸಾಕಿದ ಮಕ್ಕಳು ದೂರ ಪಟ್ಟಣ ಸೇರಿದರುಹುಟ್ಟಿದ ಮನೆಗೆ ಸುಳಿಯದಾದರು ದೊಡ್ಡ ದೊಡ್ಡ ಮನೆ ಮಠ ಕಟ್ಟಿದರುಸಾಕಿದವರನ್ನು ಮೂಲೆಗಟ್ಟಿದರುಸುಖದ ಸುಪ್ಪತ್ತಿಗೆಯನ್ನು ಹುಡುಕಿದರುಈ ಜೀವಗಳನ್ನು ನಿತ್ಯ ಕೊರಗಿಸಿದರು ಹೇ ಮನುಜ ಸಾಕಿದವರಿಗೆ ಬೆಲೆ ಕೊಡದೆನೀ ಸಂತಸಪಟ್ಟರೆ ಇಂದು ಅವರು ಅಂದು  ನೀ ಹುಟ್ಟಿದಾಗ  ಸಂಭ್ರಮಕ್ಕೆ ಅರ್ಥವೆಲ್ಲಿದೆಅವರ ಜೊತೆ ಸಂಭ್ರಮಿಸು ಜೀವನ ಪಾವನ ಅವರ ಕೊನೆಯ ದಿನದವರೆಗೆಆರೋಗ್ಯ ವಿಚಾರಿಸಿ ಸುಖ ಸಂತಸ ಹಂಚಿದರೆಪ್ರೀತಿ ಮಮತೆ ಈ ಜೀವಕ್ಕೆ ತುಂಬಿದರೆಅವರ ಬಾಳು ನಿಮ್ಮ ಬಾಳು ಸಾರ್ಥಕ ಸತೀಶ್ ಬಿಳಿಯೂರು

ಕಾವ್ಯ ಸಂಗಾತಿ ಸರಸ್ವತಿ ಕೆ ನಾಗರಾಜ್ “ಬುದ್ದಿಗಿಂತ ನಿಷ್ಠೆ” ನಾಯಿಗಿಂತ ನರಿ ಬಹಳ ಬುದ್ಧಿವಂತ ಪ್ರಾಣಿ,ಆದರೂ ಜನ ನರಿ ಸಾಕುವುದಿಲ್ಲ,ನಾಯಿಯನ್ನೇ ಸಾಕುತ್ತಾರೆ;ಯಾಕೆ ಗೊತ್ತಾ?ಬುದ್ಧಿವಂತಿಕೆಗಿಂತ ಪ್ರಾಮಾಣಿಕತೆ ಮುಖ್ಯ,ಚಾಣಾಕ್ಷತನಕ್ಕಿಂತ ನಿಷ್ಠೆಯೇ ಶ್ರೇಷ್ಠ. ಜಾಣ್ಮೆಯಿಂದ ಬದುಕು ಗೆಲ್ಲಬಹುದು,ಆದರೆ ನಂಬಿಕೆಯಿಂದ ಹೃದಯವನ್ನೆ ಗೆಲ್ಲಬಹುದು,ಮಾತಿನಿಂದ ಮನವೊಲಿಸಬಹುದು,ಆದರೆ ನಡೆನುಡಿಯಿಂದ ನಂಬಿಕೆಯನ್ನೇ ಗಳಿಸಬಹುದು.ಎಷ್ಟೇ ಬುದ್ಧಿ ಇದ್ದರೂ ನಂಬಿಕೆ ಇಲ್ಲದಿದ್ದರೆ ವ್ಯರ್ಥ,ಎಷ್ಟೇ ಸರಳವಾಗಿದ್ದರೂ ನಿಷ್ಠೆ ಇದ್ದರೆ ಅರ್ಥ, ಜಗತ್ತು ಕೊನೆಗೆ ನೆನಪಿಡುವುದುಜಾಣತನ ತೋರಿದವನನ್ನಲ್ಲ,ಕಷ್ಟಕಾಲದಲ್ಲೂ ಕೈಬಿಡದೆಜೊತೆಯಾಗಿ ನಿಂತ ನಿಷ್ಠಾವಂತನನ್ನು.ಜಾಣ್ಮೆ ಬದುಕಿಗೆ ಅಲಂಕಾರ,ನಿಷ್ಠೆ ಬದುಕಿಗೆ ಆಧಾರ, ಬುದ್ಧಿ ಮನುಷ್ಯನನ್ನು ಎತ್ತರಿಸಬಹುದು,ಆದರೆ ಪ್ರಾಮಾಣಿಕತೆಯೇ ಅವನ ವ್ಯಕ್ತಿತ್ವವನ್ನು ಶ್ರೇಷ್ಠಗೊಳಿಸುತ್ತದೆ. ಸರಸ್ವತಿ ಕೆ ನಾಗರಾಜ್

ಕಾವ್ಯ ಸಂಗಾತಿ ಮಾಜಾನ್ ಮಸ್ಕಿ‌ “ಮರೆಯಾಗದಿರು ಗಾಂಧಿ” ಪ್ರತಿ ಆತ್ಮಗಳ ಮಹಾತ್ಮನೊಂದವರ ಅಭಯ ಹಸ್ತದೇವನಾಗಿ ಕರಗದಿರುಕರುಣೆಯ ತತ್ವಮೂರ್ತಿ ನೀನು ಗೂಡ್ಸೆಗಳಿಗೇನು ಕಮ್ಮಿ ಇಲ್ಲದ್ವೇಷಿಸುವರು ದ್ವೇಷಿಸಲಿಟೀಕಿಸುವರು ಟೀಕಿಸಲಿಅಹಿಂಸೆಯ ಅಸ್ತ್ರ ಹಿಡಿದು ಮತ್ತೆ ಬಾ ಹಿಂಸೆ ಅತ್ಯಾಚಾರ ಯೋಧರ ಜೀವಂತ ದಹನಮುಗಿಲು ಮುಟ್ಟಿದೆ ಆಕ್ರಂಧನ ಎಲ್ಲೆಡೆ ಚಿತ್ಕಾರಸಿಡಿಲು ಮಿಂಚಾಗಿ ಸಂಚರಿಸುನಮ್ಮಯ ಧಮನಿ ಧಮನಿಗಳಲ್ಲಿ ನೋವನುಂಡು ತಲ್ಲಣಿಸಿವೆ ಮನಗಳುಹಗಲಿನಲ್ಲಿಯೇ  ನಡೆದಾಡಲು ಕಂಪಿಸಿವೆನಿನ್ನ ಕೋಲಿನ ಗಸ್ತು ಬೇಕಿದೆ ಬಂದೊಮ್ಮೆ ನೋಡು ಇಂದಿನ ಭಾರತಮನೆ ಮನೆಗಳಲ್ಲಿ ನೆಲೆಸಿಶಾಂತಿಯ ಹರಸು ಗಾಂಧಿ……ಬಾ ಮತ್ತೊಮ್ಮೆ ಗಾಂಧಿ…..ಬಾ ಮತ್ತೊಮ್ಮೆ ಗಾಂಧಿ….. ಮಾಜಾನ್ ಮಸ್ಕಿ

ಕಾವ್ಯ ಸಂಗಾತಿ ಟಿ.ಪಿ.ಉಮೇಶ “ಗಾಂಧೀಜಿ ನಿನ್ನೆಗೆ ಮುಗಿದ ಕಥೆಯಲ್ಲ!” ಕೈಯಲ್ಲಿ ಆಯುಧ ಹಿಡಿಯದೆಸಾಮ್ರಾಜ್ಯವನ್ನೇ ನಡುಗಿಸಿದಅಹಿಂಸೆಯ ಮಹಾಶಕ್ತಿವಂತ! ಕೈಯಲ್ಲಿ ಯಾವ ಅಧಿಕಾರವಿರದೆಕೋಟ್ಯಾಂತರ ಹೃದಯಗಳ ಗೆದ್ದಜನಮನದ ಮಹಾನಾಯಕ! ಮಾತಿನಲ್ಲಷ್ಟೇ ಸತ್ಯವನ್ನಾಡದೆಬದುಕಿನಲ್ಲೇ ಸತ್ಯವನ್ನು ತೋರಿದಲೋಕದ ಸತ್ಯಸಾಧಕ! ಶತ್ರುವನ್ನೆಂದಿಗು ದ್ವೇಷಿಸದೆಅನ್ಯಾಯವನ್ನೆಲ್ಲ ಎದುರಿಸಿದವಿಶ್ವದ ಧೈರ್ಯಶಾಲಿ! ಆಡಂಬರದ ಬಟ್ಟೆಗಳ ಬಿಟ್ಟುಬಡವರ ನೋವನ್ನೆಲ್ಲ ಹೊದ್ದಜನಜಗತ್ತಿನ ಸರಳಜೀವಿ! ತನ್ನ ಹಸಿವು ನೋವುಗಳಿಗಿಂತಪರರ ಹಸಿವು ನೀಗಿಸಲು ದುಡಿದಮಹಾನ್ ಕರುಣಾಮೂರ್ತಿ! ಜಾತಿ ಧರ್ಮಗಳ ಹೆಸರಿನಲ್ಲಿಗೋಡೆ ಕಟ್ಟದೆ ಸೇತುವೆ ಕಟ್ಟಿದಧೀಮಂತ ಸಮನ್ವಯವಾದಿ! ತನ್ನ ಹೆಜ್ಜೆ ಗುರುತುಗಳಿಗಿಂತದೇಶದ ಹೆಜ್ಜೆ ಗುರುತು ಉಳಿಸಿದಯುಗಮಾನದ ದೇಶಸೇವಕ! ಸೆರೆಮನೆಯಲ್ಲಿನ ಕತ್ತಲೆಯಲ್ಲುಸ್ವಾತಂತ್ರ್ಯದ ಬೆಳಕನ್ನು ಕಂಡಛಲಬಿಡದ ಕನಸುಗಾರ! ಗುಂಡಿಗೆ ಎದೆಯೊಡ್ಡಿದರೂದ್ವೇಷಕ್ಕೆಂದೂ ಮನಸ್ಸು ಕೊಡದದೈವಸದೃಶ ಕ್ಷಮಾಶೀಲ! ಮಹಾತ್ಮ ಗಾಂಧೀಜಿ ಎಂದರೆಒಂದು ಹೆಸರು ಮಾತ್ರವಲ್ಲನಡೆಯಬಹುದಾದ ತತ್ವ ಸಿದ್ಧಾಂತ! ಮಹಾತ್ಮ ಗಾಂಧೀಜಿ ಎಂದರೆಒಬ್ಬ ಮನುಷ್ಯ ಮಾತ್ರವಲ್ಲಬದುಕಬಹುದಾದ ಒಂದು ಆದರ್ಶ! ಮಹಾತ್ಮ ಗಾಂಧೀಜಿ ಎಂದರೆನಿನ್ನೆಗೆ ಮುಗಿದ ಕಥೆಯಲ್ಲನಾಳೆಗೂ ಬೇಕಾದ ಮಾನವೀಯತೆ! ಟಿ.ಪಿ. ಉಮೇಶ್