ಕಾವ್ಯ ಸಂಗಾತಿ ನಾಗರಾಜ ಬಿ.ನಾಯ್ಕ “ಒಳಗಿನ ಗೂಡು” ಮಣ್ಣಿಂದ ಹುಟ್ಟಿದಭತ್ತ ಪ್ರೀತಿ  ಹಂಚಿಜೀವವಾಗಿ ನಗುವುದಂತೆಮಣ್ಣಿಂದ ಹುಟ್ಟಿದಹೂವಿಗೂ ಘನತೆಯಪರಿಮಳ ಹರಡಿಉಳಿಯುವ ಪುಳಕಗೂಡು ಕಟ್ಟುವಹಕ್ಕಿಗೆ ಪರಿಶ್ರಮದಎಳೆ ಎಳೆಯೂದಿವ್ಯ ತಪಸ್ಸಿನ ಛಾಯೆಮಲಗಿರುವ ಮಗುವಿನಮೇಲೆ ಅಮ್ಮನ ಮುತ್ತಿನಕನಸಿನ ಜೋಕಾಲಿಯ ಹಾಡುಎಳೆ ಬಿಸಿಲಿಗೆಹೂ ಹರಡಿ ಕುಳಿತಮುಗುದೆಗೆ ಹಸಿವೆ ಮರೆತಮೌನ ಕಾಣದ ದಾರಿಕರಗಳಿಗೆ ಉಪಕಾರದಋಣದ ಭರವಸೆಎಲ್ಲವೂ ಹೃದಯಒಳಗೂಡಿನ ಒಳಗೆದಿನವೂ ನಡೆಯುವತಕದಿಮಿತದ ಒಂದುಉಸಿರಿನ ಕುಣಿತ ನಾಗರಾಜ ಬಿ.ನಾಯ್ಕ.

ಕಾವ್ಯ ಸಂಗಾತಿ ನಿಶ್ಚಿತ ಎಸ್. ಭಾವನೆಗಳು ಕೇಳುತ್ತಿವೆ ಭಾವನೆಗಳು ಭಾವಕ್ಕೆಒಳಗಾಗಿ,, ಭಾವಿಸದೆಪ್ರತಿಬಿಂಬಕ್ಕಾಗಿ ಸೋತುಹೋಗಿದೆ ಮನಸ್ಸುಗಳುಭಾವದ ಭಾವನೆಗಳಿಗೆ…. ಇದ್ದಕ್ಕಿದ್ದಂತೆ ಮೂಡಿದಹೊಸ ಭಾವನೆಗಳು,,ಹಳೆ ಭಾವನೆಗಳಿಗೆ ಸ್ಪಂದಿಸದೆ,,ಸೋಲಿಸುತ್ತಿದೆ ಮನವ ,,ನಿನ್ನ ಭಾವವ ಭಾವಿಸಿನೀ ಹೋಗೆಂದು…. ಯಾಕೋ ಭಾವನೆಗಳು,,ಭಾವದ ತೀರಕ್ಕೆ ಬಲಿಯಾಗಿ,,ಮನಸ್ಸಿನ ನೆಮ್ಮದಿಗೆಬಲಿಯಾಗಿ,,ಭಾವನೆಗಳೇ ಸದ್ದಿಲ್ಲದೆಕೇಳುತ್ತಿದೆ ನಿನ್ನಭಾವನೆಗಳು ಸರಿಯೇಎಂದು…. ನಾಸರಿಯೋ,,ನನ್ನ ಭಾವನೆ ಸರಿಯೋ,,ನನ್ನ ಮನಸ್ಸು ಸರಿಯೋ,,ನನ್ನ ಮನಸ್ಸಿನ ಒಡೆಯನಿಗಾಗಿನಾ ನನ್ನ ಭಾವನೆಗಳನ್ನುಬಲಿ ಕೊಟ್ಟೆನೋ ಏನುಅರಿವಿಲ್ಲ ನನಗೀಗ… ಹೇ ಮನಸೇ ..ಹರಿಯುತ್ತಿರುವ ಮನಸ್ಸ,,ಭಾವನೆಗಳಿಂದ ಬಂಧಿಸದೆ,,ಮುಕ್ತಿಸು ನನ್ನನ್ನುನನ್ನಂತೆ ಸ್ವೀಕರಿಸು,,ನೀನು ಹೇಳು ಒಮ್ಮೆನಾ ಸರಿಯೋ ತಪ್ಪೋ… ನಿಶ್ಚಿತ ಎಸ್

ಕಾವ್ಯ ಸಂಗಾತಿ ಹಮೀದ್ ಹಸನ್ ಮಾಡೂರು “ದೆವ್ವಾದೀನರು” ಕಂಡ ಕೆಲವು ಕನಸುಗಳುನನಸಾಗದೆ ಉಳಿದಿದೆ,!ತಣ್ಣೀರಿನ ಕಣ್ಣೀರುಗಳುಕಣ್ಣಿಂದ ಜಾರಿ ಭೂ ಸ್ಪರ್ಷಿಸಿದೆ,!! ಮನುಷ್ಯ ಭಾವನೆಗಳುನಕಾರಾತ್ಮಕ ಚಿಂತೆಗೆ ಜಾರಿದೆ,!ಮಾನವ ರೂಪದಲ್ಲಿದ್ದರೂರಾಕ್ಷಸ ಮನಸ್ಥಿತಿ ಜನರಲಿ ತುಂಬಿದೆ,!! ಕವಿ ಸಂದೇಶಗಳಚಿಂತನ ಬರಹಗಳ ತಿಳಿಯದೆ,!ಓದಿ ತಿಳಿಯಲಾರದಷ್ಟುಎಳೆದಾಡುವ ದೆವ್ವಗಳಾಗಿ ಬಿಟ್ಟಿದೆ.!! ಹಮೀದ್ ಹಸನ್ ಮಾಡೂರು.

ಕಾವ್ಯಸಂಗಾತಿ ಅನುರಾಧ ರಾಜೀವ್ ಗಜಲ್ ವಿಧಿಯ ಬರಹ ಸಹಿಸಿ ನಾಳೆಯಅರಸಿ ಸಾಗುವೆಯಾನಿದಿರೆ ಬಾರದೆ ಹೊರಳಿ ನೋವಲಿನರಳಿ ಬಾಗುವೆಯಾ ಸಹನೆ ಎನುವ ಮೂಲ ಮಂತ್ರವಜಪಿಸಿ ಬಳಲಿದೆಯಾದೇಹವ ದಂಡಿಸಿ ಮನದ ದುಗುಡಮರೆತು ಹೋಗುವೆಯಾ ಒಳ್ಳೆಯ ದಿನದ ನಿರೀಕ್ಷೆ ಇರಲಿನಿತ್ಯ ಬಾಳಿನಲಿತಳ್ಳದೆ ಮನುಜ ಆಸರೆ ನೀಡಲುನೆನೆದು ಮಾಗುವೆಯಾ ಸಮಯ ಒಂದೇ ತೆರದಿ ಬಾರದುಚಿಂತನೆ ಆಶಾದಾಯಕತಮವ ಕಳೆವ ನೇಸರ ಮೂಡಲುಆನಂದದಿ ತೂಗುವೆಯಾ ಬದುಕು ಬಂದಂತೆ ಸ್ವೀಕಾರ ಭಾವನೆದೃಢತೆ ರಾಧೆಯಲಿಮಧುರ ನೆನಪು ಅಳಿಸಿ ಯಾತನೆಕರಗಿ ಬೀಗುವೆಯಾ ಅನುರಾಧಾ ರಾಜೀವ್

ಕಾವ್ಯಸಂಗಾತಿ ಡಾ. ಹೆಚ್. ನಟರಾಜ್ ಆರ್ಯ “ಮುರಿದ ಗೂಡಿನ ಪಾಡು” ಹಿತ್ಲ ಬೇವಿನ ನೆರಳಲ್ಲಿ,ಅವ್ವ ಜೋಗುಳ ಹಾಡಿದ್ಲು;ಅಪ್ಪನ ಹೆಗಲ ಹತ್ತಿದ ,ಕೂಸು ಚಂದಿರ ಹಿಡಿದಿತ್ತು. ಮಂಗನ ಮನಸು ನಮ್ದು ,ಕೊಂಬೆಗೊಂದು ಮಿನುಗುವ ಹಣ್ಣು;ದೂರದ ಬೆಟ್ಟ ನುಣ್ಣಗೆಹಿತ್ಲ ಗೂಡಿಗೇ ಬೆನ್ನು! ಕಾಸಿನ ಹಸಿರಿಗೆ ಕಣ್ಣು,ಕುರ್ಚಿಯ ನೆರಳಿಗೆ ಮನಸು;ಪರರ ನಗುವಿಗೆ ಮೈಮರೆತು,ಎರಡು ಗೂಡುಗಳಿಗೆ ಮಣ್ಣುಕಾರ್ಮೋಡ ಮುಚ್ಚಿದ ಮುಗಿಲುಮುಸ್ಸಂಜೆ ಮುಸುಕಿದ ಹೊಸ್ತಿಲುಇಲ್ಲೊಂದು ಜೋಗುಳ ಮೌನಅಲ್ಲೊಂದು ತೊಟ್ಟಿಲಿಗೆ ನಡುಕ. ಆಷಾಢದ ಜಡಿಮಳೆಗೆ,ಎರಡೂ ಕಿಟಕಿಗಳು ತೆರೆದು,ಇಲ್ಲೊಂದು ತುತ್ತು ತಣ್ಣಗೆ,ಅಲ್ಲೊಂದು ದಿಂಬಿಗೆ ಉಪ್ಪು. ಮಾಸ್ತರು ಮನೆ ಬಿಡಿಸೆಂದ್ರು,ಕೂಸು ಎರಡು ಮನೆ ಬರೆದು;ನಡುವೆ ತನ್ನ ತಾ ಹುಡುಕಲು,ಮುರಿಯಿತು ಬಳಪ! ದಸರಾ ರಜೆಗೆ,ವಸತಿನಿಲಯದಗೆಳೆಯರೆಲ್ಲಅವರವರಗೂಡು ಸೇರಿದ್ರು;ಮನೆಯಿದ್ದೂಮಡಿಲಿಲ್ಲದೆ,ಪುಟ್ಟ ಚಪ್ಪಲಿಕಾಯುತ್ತಿತ್ತು. ಜಡಿಮಳೆ ನಿಂತನಟ್ಟಿರುಳು,ಬೇವಿನೆಲೆಯ ಮೇಲೆಬೆಳದಿಂಗಳು;ಅತ್ತಮಂಗ ತನ್ನ ಮರಿಯತಬ್ಬಿಕೊಂಡಿತು ,ಇತ್ತಕೂಸಿನ ಕಣ್ಣುಕೆರಳಿತು‘ಅವ್ವಾ, ನಮ್ಮ ಗೂಡೆಲ್ಲಿ?’ ಡಾ. ಹೆಚ್. ನಟರಾಜ್ ಆರ್ಯ

ಕಾವ್ಯ ಸಂಗಾತಿ ಸುಮನಾ ರಮಾನಂದ “ಹೊಸ ಭಾವಲಾಸ್ಯ” ತಾಳ ತಪ್ಪದ ಮೌನರಾಗಕೆಮನವು ಮೂಕಭಾವ ತಳೆದಿದೆ!ಕುಳಿರ್ಗಾಳಿಯ ದಾಳಿಯಲೂ…ಚಿಗುರಿದೆಲೆಗಳು ನಗುತಿವೆ!! ಬತ್ತಿದೆದೆಯಲಿ ಹೊಸ ಕನಸುಗರಿಗೆದರಿ ಚೈತನ್ಯವು ಮೂಡಿದೆ!ರೆಂಬೆಕೊಂಬೆಗಳಲಿ ನಂಬಿಕೆಯುಕ್ಕಿಸಿ..ಹಚ್ಚಹಸಿರು ತಾ ನಲಿದಿದೆ!! ದಿಕ್ಕು ತಪ್ಪಿಸುವ ಕತ್ತಲೆಯಲಿನಂದದ ಬೆಳಕು ಉಳಿಯಲಿ!ಅವನೆಣಿಸಿದಾಗ ಪಯಣ ನಿಲುವುದು..ಜಡ ಬದುಕಿನ  ನಿಲ್ದಾಣದಲಿ!! ವಿಸ್ತರಿಸಿದ ಅಂಬರದ ಕ್ಷಿತಿಜದೊಳುಮುಚ್ಚಿದ ಕಂಗಳಲಿ ಅಡಗಿದೆ ಬೆಳಕು!ಸತ್ಯದ ನಿಲುವಿಗೆ ನಿಜದೊಳು..ಮನತೆರೆದು ನೋಡಲು ನಲ್ಮೆಯ ಬದುಕು!! ಸುಮನಾ ರಮಾನಂದ ಮುಂಬೈ

ಕಾವ್ಯ ಸಂಗಾತಿ ಜಯಶ್ರೀ ಭ.ಭಂಡಾರಿ.ಬಾದಾಮಿ “ಚತುರೆ ಬಾ ಸಮ್ಮತಿಸು….” ನೀನಿಲ್ಲದೆ ಮುಸ್ಸಂಜೆ ಬಣ ಬಣಒಡಲ ತುಂಬ ಅನುರಾಗ ಪ್ರತಿಕ್ಷಣಹೇಳೆ ಪ್ರಿಯಲತೆ ಬಂಧಿಸಲೆ ದೇವತೆಬಾರೆನ್ನ ಚೆಲುವೆ ಸರಗಿಯ ಶೋಭಿತೆ ನೋಟದಿ ಸೆಳೆದೆ ನಗುತ ನಿಂದೆಮಾಯಗಾತಿ ಅದೆಲ್ಲಿಂದ ಬಂದೆಮನದಲಿ ನೂರಾರು ಆಸೆಗಳ ತಂದೆಹೂವ್ವಿನ ಗಂಧದಲಿ ಎನ್ನ ಮೀಯಿಸಿದೆ ಕೆಂಪಿನ ಕೆನ್ನೆಯ ಮರೆಯಲಿ ಹೆಂಗೆಹರಳಿನ ಕೊರಳನು ಚುಂಬಿಸಿ ನಿಂಗೆಹೆರಳನು ಬೆರಳಲಿ ಆಡಿಸಲೇನ ಹಂಗೆಗುಳಿಕೆನ್ನೆಯ ಒಡತಿ ಬಾರೆ ನಿಂಗಿ ಬಳಿಗೆ ಕಾಯಿಸದಿರು ಒಲವ ಸೂಸಿದ ನಾರಿಸಮ್ಮತಿಸು ನೀ ಬಾಳ ಹಬ್ಬದ ಬಂಗಾರಿಹೃದಯ ಹಿಗ್ಗ ತಡೆಯಲಾರೆ ಸಿಂಗಾರಿತಂದಿರುವೆ ಕರೆದೊಯ್ಯಲು ಅಂಬಾರಿ ಹೇಗೇಗೋ ಇದ್ದೆ ನಾ ಮರುಳನಂತೆನೀ ಬಂದೆ ಮದಿರೆಯ ಮೋಹದಂತೆಸುರಗಿಯ ಸುತ್ತಿ ನಿಂತೆ ಜಾರದಂತೆಅನುಮಾನ ಬೇಡ ಅನುಮತಿಸು ಕಾಂತೆ ಜಯಶ್ರೀ ಭ.ಭಂಡಾರಿ.ಬಾದಾಮಿ

ಕಾವ್ಯ ಸಂಗಾತಿ ಡಾ.ಹಸೀನಾ ಹೆಚ್.ಕೆ ಗಜಲ್ ಕತ್ತಲನು ಸೀಳಿ ಸಂಸಾರಕೆ ಸಿರಿ ಕಾಂತಿಯಾದವಳು ಹೆಣ್ಣುಅಶಾಂತಿಯ ಗೋಡೆ ಮುರಿದು ಮನೆಗೆ ಭಾತಿಯಾದವಳು ಹೆಣ್ಣು ಸಂಕೋಲೆಗಳ ತೂರಿ ಸಮಾನತೆಯ ಬಾನಲಿ ಹಾರುತಿಹಳುಬದುಕಿನ ಪಯಣದಲಿ ಬೆಳಕಾಗಿ ನೀತಿಯಾದವಳು ಹೆಣ್ಣು ಕಣ್ಣೀರಿನ ಕಡಲನ್ನೇ ಭೇದಿಸಿ ನಗುವಿನ ಖಜಾನೆಯಾಗುತ್ತಾಳೆಜಗದ ಕಣ್ಣಾಗಿ ಸೌಜನ್ಯ ಕಲಿಸಿ ಶಾಂತಿಯಾದವಳು ಹೆಣ್ಣು ಅಬಲೆಯೆಂಬ ಕೀಳು ಮನಸುಗಳ ಯೋಚನೆ ಕಿತ್ತೆಸೆದವಳುಅಂಧಕಾರವ ಅಳಿಸಿ ಅರಿವಿನ ಕಣ್ತೆರೆಸಿ ಜ್ಯೋತಿಯಾದವಳು ಹೆಣ್ಣು ಕೇವಲ ರೂಪದ ಗೊಂಬೆಯಲ್ಲ ಹೆಣ್ಣು ಜ್ಞಾನ ದೀವಿಗೆಯಿವಳುಹಸೀನಾ ಅರಿವಿನ ಕಿಡಿಯಾಗಿ ಮಾನವತೆಗೆ ರೀತಿಯಾದವಳು ಹೆಣ್ಣು ಡಾ.ಹಸೀನಾ ಹೆಚ್.ಕೆ ಶಿವಮೊಗ್ಗ

ಕಾವ್ಯ ಸಂಗಾತಿ ಡಾ. ಲತಾ ಎ ಆರ್ ಬಾಳೆಹೊನ್ನೂರು ಗಜಲ್ ಅಲೆಯ ತೆರನದಿ ಅಪ್ಪಳಿಸಿ ಹೃದಯಕೆಸುಖದ ನೋವಲಿ ತೇಲಿಸಿದೆ ತನು ಮನದೇಹ ಎರಡು ಮನಸು ಒಂದು ನುಡಿದುಮುನಿಸು ತೋರಿ ಹೋದೆ ನೀನೆಲ್ಲಿಗೆ ದೂರಕೆ ಜೊತೆಯ ಪಯಣ ಸಾಗುವ ದಾರಿದೂರದೂರಿನ ಹೊಂಗನಸ ಸುರಿದು ಒಡಲಿಗೆನವ್ಯಗೀತೆಯ ಬರಹದಲಿ ಬರೆದಿಡುವ ಮಾತಸುಳ್ಳಾಗಿಸಿ ನಡೆದೆ ನೀನೆಲ್ಲಿಗೆ ದೂರಕೆ ಬರಡು ಮನದಿ ಭಾವನೆಯ ಚಿಗುರಿಸಿಮರದ ಚಿಗುರಿಗೆ ಹಸಿರು ಹೊದಿಸಿಹೂವು ಹಣ್ಣುಗಳ ಕನಸ ಮೂಡಿಸಿಮರುಭೂಮಿಯ ಸೃಷ್ಟಿಸಿ ಹೋದೆ ನೀನೆಲ್ಲಿಗೆ ದೂರಕೆ ಕಾಯುವಿಕೆಯಲ್ಲಿ ಖುಷಿಯಿದೆ ಎಂದೇಣಿಸಿಬರುವಿಕೆಯ ಹಾದಿಗೆ ಹೂವ ಹಾಸಿಬೆಳದಿಂಗಳ ರಾತ್ರಿಯಲಿ ಕಾಯುವ ಕಾವ್ಯಲತಾಳ ಮರೆತುತೊರೆದೋದೆ ಬರದೇ ನೀನೆಲ್ಲಿಗೆ ದೂರಕೆ.ಡಾ. ಲತಾ ಎ ಆರ್ ಬಾಳೆಹೊನ್ನೂರು

ಕಾವ್ಯ ಸಂಗಾತಿ ರಮೇಶ್ ಅಂಬಳಿ “ಯುದ್ಧ ಮತ್ತು ಸೃಷ್ಟಿ” ಸೃಷ್ಟಿಯ ವಿರುದ್ಧ ನಡೆಯದಿರುಸೃಷ್ಟಿಯ ಜೊತೆ ಗುದ್ದಾಡದಿರುಸೃಷ್ಟಿಯಿಂದಲೇ ನಿನ್ನ ಜೀವಾ,ಜೀವನಾಸೃಷ್ಟಿಯ ಜೊತೆಗೆ ಜೀವಿಸುವುದನ್ನಕಲಿಯಬೇಕಾದ್ದು ನಿನ್ನ ಧರ್ಮ,ಸೃಷ್ಟಿಯು ಮುನಿಸಿದರೆ ಸರ್ವನಾಶವಾದೀಯಾ ನಿನ್ನ ಆಶೆಗಳ ಪೂರೈಕೆಗೆ ನಡೆಸದಿರುಸೃಷ್ಟಿಯ ನಾಶ,ಮದ್ದುಗುಂಡುಗಳ ಸೇರಿಸದಿರು ದೇವರಈ ಸೃಷ್ಟಿಯಲಿ,ದೇವರ ಕೋಪಕ್ಕೆ ಗುರಿಯಾದೀಯಾ, ನಿಲ್ಲಲು ನೆಲೆಯನ್ನೇ ಕಳೆದುಕೊಂಡೀಯಾನಿನ್ನ ಜೀವನೋಪಾಯಕ್ಕೆಂದು ಸೃಷ್ಟಿಯಲಿಸಿಗುವ ಆಹಾರ, ನಿನ್ನ ಬಳಕೆಗೆ ಬೇಕಾಗುವವಸ್ತುಗಳಾ, ಕಳಕೊಂಡು ಪರದಾಡಬೇಡಾ, ಬೆರೆತು ಬಾಳು ನೀ ನಿನ್ನವರ ಸಂಗಡಾಮರೆಯಬೇಡಾ ನಿನ್ನ ಮನುಷ್ಯ ಜಾತಿಗಳಾಮರೆತು ಬಿಡು ನಿನ್ನಲ್ಲಿಯಾ ಕೋಪಾತಾಪಗಳಾಮೆರೆಯಬೇಡಾ ನಿನಗೆ ಇಷ್ಟ ಬಂದಂತೆ ಯುದ್ಧದ ನೆಪದಲ್ಲಿ ಹಾಳಾಗುವುದು ಭೂಮಿಸಕಲ ಜೀವರಾಶಿಗಳಿಗೂ ತರುವೆಯಾ ನೀ ಕುತ್ತುಮುಂದೊಂದು ದಿನ ಆಹಾರ ಬೆಳೆ ಬೆಳೆಯುವಈ ಭೂಮಿ ಕಳೆದುಕೊಳ್ಳುವದು ಫಲವತ್ತತೆಯಾ ನೀ ಮಾಡುವ ತಪ್ಪುಗಳಿಂದನಾಶವಾಗುವದು ಸರ್ವ ಸೃಷ್ಟಿಸೃಷ್ಟಿಯೇ ಇಲ್ಲವಾದ ಮೇಲೆನಿನಗೆಲ್ಲಿದೇ ಜೀವಿಸಲು ನೆಲೆ, ಓ ಮನುಜಾ…!ರಮೇಶ್ ಅಂಬಳಿ