ಕಾವ್ಯ ಸಂಗಾತಿ
ಹಮೀದಾ ಬೇಗಂ ದೇಸಾಯಿ
ಜಗದ ಜಾತ್ರೆಯಲಿ…
ಜಗದ ಜಾತ್ರೆಯಲಿ
ಕೋಟಿಯೊಳಗೊಬ್ಬರಲಿ ನೀನು
ಬದುಕಿನ ಸಂತೆಯಲಿ
ಧಾವಿಸುವವರೊಬ್ಬರಲಿ ನೀನು
ಹಣೆ ಬರಹ ಹೊತ್ತು
ಹುಟ್ಟಿ ಬಂದವರೊಬ್ಬರಲಿ ನೀನು
ಬವಣೆಗಳ ಸರವ ಕೊರಳಲಿ
ಧರಿಸಿಬಂದವರೊಬ್ಬರಲಿ ನೀನು
ಬಯಕೆಗಳ ಬೆನ್ನತ್ತಿ
ತೇಕುತ ಇರುವವರೊಬ್ಬರಲಿ ನೀನು
ಆಸೆಗಳ ಉಯ್ಯಾಲೆಯಲಿ
ಜೀಕುತ ಸೋತವರೊಬ್ಬರಲಿ ನೀನು
ಬಣ್ಣಗಳ ಭ್ರಮೆಯಲಿ
ಇಂದ್ರಚಾಪ ಹಿಡಿಯುವವರೊಬ್ಬರಲಿ ನೀನು
ಕಾಂಚಾಣದ ಮೆರುಗಿಗೆ
ಕುರುಡರಾದವರೊಬ್ಬರಲಿ ನೀನು
ಬಾಳ ನಿಜ ಅರ್ಥವನು
ತಿಳಿದುಕೋ ಮರುಳ ಮನುಜಾ
ಅರಿವಿನ ಕಣ್ತೆರೆದು
ತಿರುಳ ಸವಿಯುವವನಾಗು ನೀನು..
ಹಮೀದಾ ಬೇಗಂ ದೇಸಾಯಿ
About The Author
.
ಸುಂದರ ರಚನೆ, ಮೇಡಂ.
ಸ್ಪಂದನೆಗೆ ಧನ್ಯವಾದಗಳು
ಹಮೀದಾಬೇಗಂ..
ಬಹಳ ಚೆನ್ನಾಗಿದೆ ಮೇಡಂ…. ಅರ್ಥಪೂರ್ಣ