ಕಾವ್ಯ ಸಂಗಾತಿ
![](https://sangaati.in/wp-content/uploads/2023/11/santhoshmb.jpg)
ಎಂ. ಬಿ. ಸಂತೋಷ್
ಆಧುನಿಕ ವಚನಗಳು
![](https://sangaati.in/wp-content/uploads/2024/07/download-5-4.jpg)
ನೋವನ್ನು ನಾನು ತುಂಬಾ ಪ್ರೀತಿಸುತ್ತೇನೆ
ಕಾರಣ, ಈ ನೋವೇ ನನಗೆ ಬದುಕುವ
ಸಾರಿದರಿಯನ್ನು ಕಳಿಸಿದ್ದು
ಜೀವನವನ್ನು ಸಂಪೂರ್ಣವಾಗಿ
ಅರ್ಥ ಮಾಡಿಸಿದ್ದು – ಜಗದೀಶ
ಮಾತು ಹಿತ – ಮಿತವಾಗಿ
ಇದ್ದರೆ ಒಳ್ಳೆಯದು
ವಿವೇಚನೆಯಿಲ್ಲದೆ ಆಡಿದ ಮಾತು
ಎಂದಿಗೂ ಹಿಂದಕ್ಕೆ ಪಡೆಯಲಾಗದು
ಇದನ್ನರಿತು ಬಾಳಿದರೆ ಹೇ ಮನುಜ
ನಿನಗೆ ಒಳ್ಳೆಯದು – ಜಗದೀಶ
ಅದೆಷ್ಟೇ ಬಚ್ಚಿಟ್ಟರೂ ಹಣ
ಒಂದಲ್ಲ ಒಂದು ದಿನ ಛಿದ್ರ ಛಿದ್ರ
ಜ್ಞಾನ ಭಂಡಾರವು ಹಾಗಲ್ಲ
ತಲೆ – ತಲೆಮಾರು ಕಳೆದರೂ
ಎಂದಿಗೂ ಅದು ಸುಭದ್ರ – ಜಗದೀಶ
ಮನದ ನೋವುಗಳಿಗೆ ನಮ್ಮ
ನಗುವೇ ಉತ್ತರವಾಗಬೇಕು
ನಮ್ಮನ್ನು ನೋಯಿಸುವವರಿಗೆ ಮೌನದಿಂದಲೇ
ಉತ್ತರ ನೀಡಬೇಕು – ಜಗದೀಶ
ಎಂ. ಬಿ. ಸಂತೋಷ್, ಮೈಸೂರು