ಕಾವ್ಯಸಂಗಾತಿ
ಶಾಲಿನಿ ಕೆಮ್ಮಣ್ಣು
ಪ್ರೇಮಾಂಕುರ
ನೀ ನನ್ನ ಮನದ ಮೋಡಿಗಾರ
ಮೌನದಿ ಸೆಳೆದ ಚತುರ
ಸರಳ ಸೌಮ್ಯ ಜೊತೆಗಾರ
ಸುಮಧುರ ಮಾತುಗಾರ
ನಿನ್ನ ಕಾಣುವ ಆತುರ
ಸ್ಪರ್ಶ ಸುಖದ ಭಾವಾಂಕುರ
ಸರಸದ ಸಾದರಕೆ ಅವಸರ
ಮಿಲನದ ನಿರೀಕ್ಷೆ ನಿರಂತರ
ನನ್ನ ಕಾಣಲು ನಿನಗೇನೋ ಚಡಪಡಿಕೆ
ಸನಿಹಕೆ ಬಂದರೆ ಪ್ರೀತಿಯ ಕೋರಿಕೆ
ಆಲಿಂಗನದ ಬಿಸಿಯ ಬೇಡಿಕೆ
ಅಧರಗಳ ಮಧುವಿನ ಬಯಕೆ
ನಾ ನಿನ್ನ ಮುದ್ದು ಚಿನ್ನ
ನಯನಗಳ ಮಿಲನ ರೋಮಾಂಚನ
ನೀ ನನ್ನೊಲವಿನ ಬಂಗಾರ
ನಮ್ಮಳಗೆ ನವಬಗೆ ಪ್ರೇಮಾಂಕುರ
ಕಾದಿದೆ ಮನ ನಿನಗಾಗಿ ಮನದನ್ನ
ಆಲಿಸು ಹ್ರದಯದ ದೀನ ಮೊರೆಯನ್ನ
ಪ್ರೇಮದಿ ಸೇರು ನೀ ಕಾಲ ಕರಗುವ ಮುನ್ನ
ಹೊಸೆಯಲು ಪ್ರಣಯದ ಮಧುರ ಸವಿ ಗಾನ
ಶಾಲಿನಿ ಕೆಮ್ಮಣ್ಣು
