ಕಾವ್ಯ ಸಂಗಾತಿ
ನಿಜಗುಣಿ ಎಸ್ ಕೆಂಗನಾಳ
ವಿಶ್ವಗುರು ಬಸವಣ್ಣ
ಗುರುಲಿಂಗ ಜಂಗಮ
ನನ್ನೊಡೆಯ ಬಸವ
ಎಲ್ಲಿ ನೋಡಿದರೂ
ಕಾಣುತಿದೆ ನನಗೆ ಕೈಲಾಸವೆಂಬ
ಈ ನಿನ್ನ ಗುಣವು ಓ ಅಣ್ಣ ಬಸವಣ್ಣ..!!
ಕಲಿಯುಗದ ಶರಣರಿಗೆ
ನೀನಾಗಿರುವೆ ಗುರು
ಓ ಅಣ್ಣ ಬಸವಣ್ಣ ಎಲ್ಲವೂ
ನಿನ್ನದೇ ಕೃಪೆಯಿಂದ ಕಾಣುತಿದೆ
ಈ ಕಲಿಯುಗದ ಬೆಳಕು
ಓ ಅಣ್ಣ ಬಸವಣ್ಣ..!!
ಕೈಲಾಸವೆಂಬ ಅರಮನೆಯಲ್ಲಿ
ಅನುಭವ ಮಂಟಪ ತೆರೆದು
ಶರಣರ ಬದುಕಿಗೆ ಬೆಳಕಾಗಿ
ನಿಂತಿರುವೆ ನೀನು ಓ ಅಣ್ಣ ಬಸವಣ್ಣ..!!
ಜಾತಿ ಭೇದ ತೊರೆದೆ ಎಲ್ಲರೂ
ಆ ಶಿವನ ಮಕ್ಕಳೆಂದು
ಸಾರಿ ಸಾರಿ ಹೇಳಿರುವೆ
ಓ ಅಣ್ಣ ವಿಶ್ವಗುರು ಬಸವಣ್ಣ..!!
————————
ನಿಜಗುಣಿ ಎಸ್ ಕೆಂಗನಾಳ
