ಕಾವ್ಯ ಸಂಗಾತಿ
ಗಂಗಾ ಚಕ್ರಸಾಲಿ .
ಇಷ್ಟೇ ಸಾಕೆ…!
ತಾಯಿ,ಅತ್ತೆ,ಸೊಸೆ,ಮಗಳು
ಈ ಪಾತ್ರಗಳಷ್ಟೇ ಸಾಕೆ
ನಿನ್ನದೇ ಹೆಸರು ಬೇಡವೇ?
ಅಡುಗೆ,ಪಾತ್ರೆ,ಪೊರಕೆ
ಇವುಗಳಷ್ಟೇ ಸಾಕೆ ಕೆಲಸಕ್ಕೆ
ನಿನ್ನ ಕೌಶಲ್ಯಕ್ಕೆ ಸಾಣೆ ಬೇಡವೇ ?
ಮಕ್ಕಳು,ಪತಿ,ಮನೆಯವರ
ಲಾಲನೆ ಪಾಲನೆಯಷ್ಟೇ ಸಾಕೆ
ನಿನ್ನ ಮನದಾಸೆಗಳ ಲಾಲನೆ ಬೇಡವೆ?
ಮನದ ಬೇಡಿಕೆ,ಪೂರೈಕೆಗಳಗೆ
ಅಂಗಲಾಚುವದಷ್ಟೇ ಸಾಕೆ
ಸ್ವಾಭಿಮಾನದ ಗಳಿಕೆ ಬೇಡವೆ?
ಪುಟ್ಟ ಬಾವಿಯಿಂದ ಹೊರಗೆ ಜಿಗಿದುನೋಡಮ್ಮೆ
ವಿಶಾಲ ಜಗದ ಹರವು ಕಂಡೀತು
ಮುಂದೆ ನಿನ್ನ ಹೆಸರೂ ಕೇಳೀತು…
ಗಂಗಾ ಚಕ್ರಸಾಲಿ .
ಮನದ ಭಾವಕೆ ನಿಮ್ಮ ಅಕ್ಷರದ ಸ್ಫೂರ್ತಿ
ತುಂಬಾ ಚೆನ್ನಾಗಿ ಮೂಡಿಬಂದಿದೆ ಕವನ ಮೇಡಂ
ಮೀನಾಕ್ಷಿ ಸೂಡಿ