ಕಾವ್ಯ ಸಂಗಾತಿ
ಡಾ.ಸರೋಜಾ ಜಾಧವ್
ಛಲ
ಬದುಕಬಂಡಿ ಏರಿತ್ತು
ಎಳೆದತ್ತ ಸಾಗಿತ್ತು
ಮನದಲ್ಲಿ ಛಲವಿತ್ತು
ನನ್ನವರ ಒಲವಿತ್ತು
ಅವರ ಪ್ರೀತಿ ಒಲವು
ಮೂಡಿಸಿತ್ತು ಮನಕೆ ಛಲವು
ಸೋಲಿನಲ್ಲು ಗೆಲುವು
ಮನಕೆ ಧೈರ್ಯ ಸ್ಥೈರ್ಯವು
ಅಂದು ನೋವನಿತ್ತ ಜನರು
ಚುಚ್ಚಿ ಭರ್ಚಿಎದೆಗಿರಿದವರು
ಇಂದು ಮುಗುಳುನಗುವರು
ಸ್ವಾರ್ಥಿಗಳು ಇವರು
ಬದುಕುವ ಛಲ ನನಗೆ
ಚಿವುಟಿದಷ್ಟು ಚಿಗುರಾಗೆ
ಅಂತರಂಗದ ನೋವಹೊಗೆ
ನಿಟ್ಟುಸಿರಲಿ ಹಗುರಾಗೆ
ಸುಣ್ಣವಾದೆ ಸುಟ್ಟು ನಾನು
ಕಂಬನಿ ಉದುರಿದೆ ಏನು
ಅರಳಿದೆ ಬಣ್ಣವಾದೆನು
ನನ್ನವರ ಮನೆಗೆ ನಾನು
——————
ಡಾ.ಸರೋಜಾ ಜಾಧವ
