ಗಂಗಾ ಚಕ್ರಸಾಲಿ ಅವರ ಕವಿತೆ-ಇಷ್ಟೇ ಸಾಕೆ…! - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಗಂಗಾ ಚಕ್ರಸಾಲಿ .

ಇಷ್ಟೇ ಸಾಕೆ…!

ತಾಯಿ,ಅತ್ತೆ,ಸೊಸೆ,ಮಗಳು
ಈ ಪಾತ್ರಗಳಷ್ಟೇ ಸಾಕೆ
ನಿನ್ನದೇ ಹೆಸರು ಬೇಡವೇ?

ಅಡುಗೆ,ಪಾತ್ರೆ,ಪೊರಕೆ
ಇವುಗಳಷ್ಟೇ ಸಾಕೆ ಕೆಲಸಕ್ಕೆ
ನಿನ್ನ ಕೌಶಲ್ಯಕ್ಕೆ ಸಾಣೆ ಬೇಡವೇ ?

ಮಕ್ಕಳು,ಪತಿ,ಮನೆಯವರ
ಲಾಲನೆ ಪಾಲನೆಯಷ್ಟೇ ಸಾಕೆ
ನಿನ್ನ ಮನದಾಸೆಗಳ ಲಾಲನೆ ಬೇಡವೆ?

ಮನದ ಬೇಡಿಕೆ,ಪೂರೈಕೆಗಳಗೆ
ಅಂಗಲಾಚುವದಷ್ಟೇ ಸಾಕೆ
ಸ್ವಾಭಿಮಾನದ ಗಳಿಕೆ ಬೇಡವೆ?

ಪುಟ್ಟ ಬಾವಿಯಿಂದ ಹೊರಗೆ ಜಿಗಿದುನೋಡಮ್ಮೆ
ವಿಶಾಲ ಜಗದ ಹರವು ಕಂಡೀತು
ಮುಂದೆ ನಿನ್ನ ಹೆಸರೂ ಕೇಳೀತು…

ಗಂಗಾ ಚಕ್ರಸಾಲಿ .