ಕಾವ್ಯ ಸಂಗಾತಿ
ಸುಗ್ಗಿಯ ಸಂಭ್ರಮ
ಚಂದ್ರು ಪಿ ಹಾಸನ್
ಬಂದಿತು ಸಡಗರದ ಸಂಕ್ರಾಂತಿ
ತಂದಿತು ರೈತರಿಗೆ ವಿಶ್ರಾಂತಿ
ಬಾನಲ್ಲಿ ಭಾನುದೇವನ ಚಲನೆ
ಭುವಿಯಲ್ಲಿ ಸುಗ್ಗಿರಾಯನ ಆಗಮನೆ
ವರ್ಷವಿಡೀ ಬೆವರುಹರಿಸಿ ದುಡಿದು
ಹರುಷದಿ ಒಟ್ಟುಗೂಡಿಸಿ ಕುಣಿದು
ಎಲ್ಲೆಲ್ಲೂ ಸುಗ್ಗಿಯ ಸಂಭ್ರಮ
ಇದು ರೈತನ ಸಾರ್ಥಕ ಶ್ರಮ
ಎಳ್ಳುಬೆಲ್ಲವ ಪರಸ್ಪರ ಬೀರಿ
ಸ್ನೇಹದೊಳು ಸರಸರ ಸೇರಿ
ಸಿಹಿಸಿಹಿ ಪದಗಳು ಕಟ್ಟುತ್ತಾ
ಕುಣಿದ ರೈತನು ಹಿಗ್ಗಿ ಹಿಗ್ಗುತ್ತಾ
ಕೋಟಿ ವಿದ್ಯೆಗಳೆಷ್ಟೋ ಮೇಟಿ
ನಿನ್ನ ವಿದ್ಯೆಗೆ ಯಾವುದಯ್ಯ ಸಾಟಿ
ಬೆವರ ಹನಿಯ ಸುರಿಸಿ ಸುರಿಸಿದೆ
ಎಲ್ಲೆಡೆ ಜೀವಕ್ಕೆ ಚೈತನ್ಯವ ಹರಿಸಿದೆ
ಸುಗ್ಗಿಯ ಹಬ್ಬವು ಧರೆಯಲ್ಲಿ
ಹಿಗ್ಗುತ ಸೇರುವ ನಾವಿಲ್ಲಿ
ಹುಗ್ಗಿಯ ಎಲ್ಲೆಡೆ ಹಂಚೋಣ
ಸಗ್ಗವ ಭುವಿಗೆ ತರೋಣ
About The Author
ಸುಗ್ಗಿಯ ವಿಶೇಷತೆ ಸಾರುವ
ಸೊಗಸಾದ ಕವನ ಸರ್
ಹಬ್ಬದ ಶುಭಾಶಯಗಳು
ಧನ್ಯವಾದಗಳು ಗೆಳೆಯರೇ,
ತಮಗೂ ಕೂಡ ಹಬ್ಬದ ಶುಭಾಶಯಗಳು