ಸಂಕ್ರಾಂತಿ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯಯಾನ

ಸಂಕ್ರಾಂತಿ

ಮಾಜಾನ್ ಮಸ್ಕಿ

ಮರೆಯೋಣ ದು:ಖ ದುಮ್ಮಾನ
ತೆರೆದಿದೆ ಉತ್ತರಾಯಣ
ಭಾಸ್ಕರನ ಹೊಸತನದ ಹೊಂಗಿರಣ
ತರಲಿ ರೈತನ ಬಾಳಿಗೆ ಆಶಾ ಕಿರಣ

ಕಬ್ಬು ಹಿಂಡಿದರು ಸಿಹಿಯ ಬಿಡದು
ನೇಗಿಲ ಯೋಗಿ ತ್ಯಾಗಿ ಆಗಿರುವನು
ನಂಬಿದವರ ಕೈ ಬಿಡಳು ಭೂತಾಯಿ
ಹಸಿರಿನ ಉಸಿರೇ ರೈತನ ಸುಗ್ಗಿಯ ಚೆಲುವು ಸಂಕ್ರಾಂತಿ

ಎಣ್ಣೆ ಮಜ್ಜನದಿ ಕಳೆಯುವುದು ಪೀಡೆ
ಬೋಗಿಯು ತುಂಬಿಸಲಿ ಎಲ್ಲಾರ ಹೊಟ್ಟೆ
ಎಳ್ಳು ಬೆಲ್ಲ ಸವಿದು ನುಡಿಯಲಿ ಸವಿ ನುಡಿ
ವೃದ್ಧಿಸುವುದು ಆರೋಗ್ಯ ಸರ್ವ ಸಮೃದ್ಧಿ

ರೈತನ ಕಣ್ಣೀರು ಒರೆಸಿ
ಹಸಿರನಲಿ ನಲಿಯುವಳು ಭೂದೇವಿ
ಬಾಳ ಕತ್ತಲೆಯನು ಕಳೆದು ಉಲ್ಲಾಸ ಚೇತನ ತರುವುದು
ಮಕರ ಸಂಕ್ರಮಣ ಜ್ಯೋತಿ ಸಂತಸದಲಿ….