ಕಾವ್ಯ ಸಂಗಾತಿ
ಬಿಗಿದಪ್ಪಿಕೊಳ್ಳುವ ನೆನಪುಗಳು
ಬಿಡಿಸಿಕೊಂಡಷ್ಟೂ
ಬಿಗಿದಪ್ಪಿಕೊಳ್ಳುವ
ನಿನ್ನ ನೆನಪುಗಳು
ಆಕಾಶಕ್ಕೇರಿಸಿ
ಪಾತಾಳಕ್ಕಿಳಿಸಿ
ಸರ್ಕಸ್ ಮಾಡಿಸುತ್ತವೆ
ಅಳುವ ಇಂಜೆಕ್ಷನ್ ಕೊಟ್ಟು
ನಗುವ ಕಚಗುಳಿಯಿಟ್ಟು
ಚಮತ್ಕಾರ ಮಾಡುತ್ತವೆ
ನೀನಿಲ್ಲದೆ ಸಾಗುವ ಹಾದಿಯಲ್ಲಿ
ನಿನ್ನ ನೆರಳಿನ ಹೆಜ್ಜೆಗುರುತು
ಸದಾಜೊತೆ ನಡೆಯುತ್ತದೆ
ನೀನಿಲ್ಲವೆಂಬ ನೋವ ಮರೆಸಿ
ನನ್ನ ನಗುವನ್ನಷ್ಟೇ ಜಗಕ್ಕೆ ಪರಿಚಯಿಸಿ
ಮೌನವಾಗಿ ನನ್ನೊಳಗೆ ಮಿನುಗುತ್ತವೆ
ಚುಕ್ಕಿ- ಚಂದ್ರಮನಂತೆ
ಗುಡುಗು- ಸಿಡಿಲಿನಂತೆ
ನನ್ನೆದೆಯ ಹಾಡಾಗುತ್ತದೆ
ಬಿಡಿಸಿಕೊಂಡಷ್ಟೂ
ಬಿಗಿದಪ್ಪಿಕೊಳ್ಳುತ್ತವೆ
ನಿನ್ನ ನೆನಪುಗಳು ನಲ್ಲ….
——————-
ಒಲವು
About The Author
ಕವಿತೆ ಚೆನ್ನಾಗಿದೆ. ನೆನಪಿನ ಭಾವನೆ ಮಧುರವಾಗಿ ಮೂಡಿವೆ.
ಧನ್ಯವಾದಗಳು