ವಿಭಾ ಪುರೋಹಿತ ಕವಿತೆ ಖಜಾನೆ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಆಹತಗೊಂಡವಳು

Artist Soldiers: Artistic Expression in the First World War | National Air and Space Museum

ಪುಣ್ಯಕೋಟಿಯ ನಾಡು ನಮ್ಮದು
ವಚನ ಕೀರ್ತನಗಳ ನುಡಿ ನಮ್ಮದು
ಮಾತುಕೊಟ್ಟರದುವೆ ಶಾಸನ
ಬೇಕಿಲ್ಲ ಸರಪಣಿ ಕಾಯ್ದೆ ಕಾನೂನು
ಚಂದ್ರಾರ್ಕರಿರುವರೆಗೂ ನಮ್ಮ ಗೆಳೆತನ

ಅಕ್ಕಪಕ್ಕದವರು ಸುತ್ತಲಿರುವವರು
ತದ್ವಿರುದ್ಧ ಪೋಷಾಕುಗಳು
ಮೌಲಿಕ ರುಜುವಾತುಗಳು
ರದ್ದಾಗುತ್ತವೆ, ಅಮಾನ್ಯ ವಾಗತ್ತವೆ
ದೇಶದ್ರೋಹಿಗಳ ಹೀನಕ್ಕೆ

ಸ್ವಾತಂತ್ರ್ಯ ಸಿಕ್ಕು ಎಪ್ಪತ್ತೈದಾದರೂ
ಸ್ನೇಹದೆಳೆಗಳೆಲ್ಲ ಸಿಕ್ಕು ಸಿಕ್ಕು
ಅಮೃತಮಹೋತ್ಸವದಲ್ಲೂ
ಗಡಿಕಾಯ್ವ ಯೋಧನ ಸಂತಾಪ
ಶಾಪಗ್ರಸ್ತ ಕುಟುಂಬದ ಕಣ್ಣೀರು
ಸುದ್ದಿ ಸಮಾಚಾರದಲ್ಲೆಲ್ಲಾ
ಖಾತೆಗಳ ವಿಲೇವಾರಿ
ಶ್ರಾವಣದ ತಯಾರಿ
ಪುಟಗಟ್ಟಲೇ ಸವಾರಿ

ಸಣ್ಣ ಮೂಲೆಯಲ್ಲಿ
ಜೀವತೆತ್ತ ವೀರನಿಗೆ
ಶಹಭಾಸಗಿರಿ
ನೆತ್ತಿ ನೇವರಿಸದ
ಅನಾಮಿಕ ನೆರಳು
ತನಿವಣ್ಣ ಬಯಸಿ
ಬೊಗಸೆಯೊಡ್ಡುತ್ತಿದೆ
ಮಾನವೀಯತೆ
ಈ ಮಹೋತ್ಸವ ದಲ್ಲಿ

*****

ಏಕಾಂತರಥ