ಕಾವ್ಯ ಸಂಗಾತಿ ಡಾ. ಸುಮಂಗಲಾ ಅತ್ತಿಗೇರಿ “ಮನವೆಂಬ ಮನೆಯೊಳಗೆ” ೧ಮನವೆಂಬ ಮನೆಯಲ್ಲಿಎದ್ದು ನಿಂತಿವೆ ಗೋಡೆಗಳು! ಹೃದಯದ ಹಜಾರದಲ್ಲಿಆಗಾಗ ಎಲ್ಲ ಕೂತುಔತಣಕೂಟ ಮಾಡಿನಕ್ಕು ನಲಿಯುತ್ತಿದ್ದವಿಶಾಲ ಜಾಗವೀಗ ಪಾಲಾಗಿದೆಅವರಿಗಿಷ್ಟು ಇವರಿಗಿಷ್ಟು ಅತ್ತಕಡೆ ಇವರುಇತ್ತ ಕಡೆ ಅವರುಬಾರದಂತೆ ಎಲ್ಲರೂ ಸ್ವಯಂಕೃತವಾಗಿಅಲಿಖಿತ ನಿಯಮ ಜಾರಿಗೊಳಿಸಿಕೊಂಡಿದ್ದಾರೆ! ಮನದ ಗೋಡೆಯ ನಡುವೆಬಿರುಕು ಬಿಟ್ಟಿವೆ! ೨ಮತ್ತೆಆ ಬಿರುಕಿನ ನಡುವೆಪ್ರೀತಿ ಸ್ನೇಹಗಳಬೀಜ ಬಿತ್ತಿನಲುಮೆಯಿಂದ ನೀರೆರೆದುಹೂವು ಅರಳಿಸಬಹುದೇ? ಮತ್ತೆ ಆ ಮನೆಯಬೃಂದಾವನದ ತುಂಬಾಸ್ನೇಹದ ಬಳ್ಳಿ ಹಬ್ಬಿಹಸಿರಾಗಿ ನಳನಳಿಸಬಹುದೇ? ೩ಬಿಟ್ಟರೆ ಆದೀತು!!ವಾದ -ಪ್ರತಿವಾದಗಳರಾಗ-ದ್ವೇಷಗಳಅಸಹನೆ-ಅಸೂಹೆಗಳಮದ-ಮತ್ಸರಗಳಶುಚಿಗೊಳಿಸಿಶುಭ್ರಗೊಳಿಸಿದರಾದೀತು! ಮನವೆಂಬ ಮನೆಯೊಳಗೆಸ್ನೇಹದ ಮಂದಿರ !ಹೃದಯದ ಹಜಾರದತುಂಬ ಸೂಸುವುದುಹಿತವಾದ ಸುಂದರಸುಗಂಧದ ಗಾಳಿ  ಡಾ. ಸುಮಂಗಲಾ ಅತ್ತಿಗೇರಿ “

ಕಾವ್ಯ ಸಂಗಾತಿ ಡಾ.ಸರಸ್ವತಿ ಕಳಸದ “ಸಂಗಾತಿ” ಹೋಗು ಮನಸೆ ಹೋಗುನಲ್ಲೆ ಇರುವಲ್ಲಿಗೆ ಹೋಗುಕೇಳು ಮೌನಕ್ಕೆ ಕಾರಣಕೇಳು ಇದೆಂತ ಜೀವನ//ಅವಳಿಲ್ಲದಾ ಬಾಳಿನಲ್ಲಿನಗುವಿಲ್ಲ ನಲಿವಿಲ್ಲ ಸಂತೋಷವಿಲ್ಲಾಅವಳಿಲ್ಲದಾ  ಬದುಕಿನಲ್ಲಿರವಿಚಂದ್ರರಿಲ್ಲಾ, ಹೂಕಂಪೇಯಿಲ್ಲಾಎದೆಯೇಕೋ ತಳಮಳವಾಯಿತಲ್ಲಾ //ಅವಳಿದ್ದರೇ ಬಾಳಲ್ಲಿಅಮೃತವುಂಟುಸಿರಿಸಂಪದವುಂಟುನಗೆಯ ನಗನಾಣ್ಯವುಂಟುಅವಳಿದ್ದರೇ ತಾನೇ ಎಲ್ಲಾ//ಅವಳಿಲ್ಲದ ಮನೆಯಲ್ಲಿಹೆಜ್ಜೆಗಳೇ ಇಲ್ಲಾಗೆಜ್ಜೆಗಳೇ ಇಲ್ಲಾನೆಲ ನೊಂದು ಬಿರುಕಾಯುತ್ತಲ್ಲಾ //ಅವಳಿದ್ದ ಬಾಗಿಲಲ್ಲಿಬೆಳಕುಂಟು, ರಂಗುಂಟುರಂಗೋಲಿಯುಂಟುಅವಳಿದ್ದರೆ ತಾನೆ ಎಲ್ಲಾ.. ಎಲ್ಲಾ //ಜೀವನಾಲಯದಲ್ಲಿಕಥೆಯುಂಟು! ವ್ಯಥೆಯುಂಟು!ಜೊತೆಯೂ ಉಂಟುಅವಳಿದ್ದಾ ನೌಕೆಗೆ ನೆಲೆಯುಂಟು// ಡಾ.ಸರಸ್ವತಿ ಕಳಸದ

ಕಾವ್ಯ ಸಂಗಾತಿ ಎಮ್ಮಾರ್ಕೆ ಅವರ ಗಜಲ್ ಕತ್ತಲೆಗೊಂದಷ್ಟು ವಿಶ್ರಾಂತಿ ನೀಡೋಣ ಬಾಬೆಳಕಿಗೊಂದಷ್ಟು ಕೆಲಸವ ಕೊಡೋಣ ಬಾ ಹೊರಗೋ ಒಳಗೋ ಕತ್ತಲನ್ನ ಕಳಿಬೇಕಂತಹೊಳಪಿಗೊಂದಷ್ಟು ಹಾಡು ಹಾಡೋಣ ಬಾ ಕತ್ತಲೆ ಕವಿದಲ್ಲೆಲ್ಲ ಕವಿ ಕಂದೀಲಾಗಬೇಕಂತತಿಮಿರಕ್ಕೊಂದಷ್ಟು ತಿವಿದು ಕಾಡೋಣ ಬಾ ಎದೆಹಣತೆಯದು ಸದಾಕಾಲ ಬೆಳಗಬೇಕಂತಜತೆಯಾಗೊಂದಷ್ಟು ಹೆಜ್ಜೆಯ ಇಡೋಣ ಬಾ ನಾ ಹೆಚ್ಚು ನೀ ಹೆಚ್ಚು ಎಂಬುದೆಲ್ಲ ಹುಚ್ಚಂತಕುಡಿಯಲ್ಲೊಂದಷ್ಟು ಸೊಕ್ಕ ಸುಡೋಣ ಬಾ ಎಮ್ಮಾರ್ಕೆ

ಕಾವ್ಯ ಸಂಗಾತಿ ಡಾ. ಲತಾ ಎ.ಆರ್ ಬಾಳೆಹೊನ್ನೂರು “ಪ್ರೀತಿ” ಸುಂದರ ಬದುಕಿಗೆ ಬರೆದು ಮುನ್ನುಡಿಸಾರ್ಥಕತೆಗೆ ಬೇಕಿದೆ ನೆನೆವ ಬೆನ್ನುಡಿಎಲ್ಲರಲಿ ತುಂಬಿರಲಿ ಸಿಹಿಯಾದ ಸವಿನುಡಿಮುನ್ನಡೆಸುವ ಹಾದಿಗೆ ಮುಖ ಮಾಡಿ ಬಾಳಲಿ ಬೇಕಿದೆ ಬಲವಾದ ನಂಬಿಕೆಗಳಿಸಬೇಕು ಅದಕಾಗಿ ಬರದ ಸಡಿಲಿಕೆಬೇಕಿಲ್ಲ ಎಲ್ಲಾ ನನ್ನವರೆಂಬ ಮೂಢನಂಬಿಕೆಸತ್ಯ ನಿಷ್ಠೆ ಕರುಣೆ ಸಾರಿರಿ ಜಗಕೆ ನವ ಬದುಕಲಿ ಸ್ನೇಹವ ಗಳಿಸುಆತ್ಮೀಯತೆಯ ನಗುವನ್ನು ಸಂಪಾದಿಸುನೆನಪಿಡುವ ಕಾರ್ಯದಿ ಏನಾದರೂ ಸಾಧಿಸುಎಲ್ಲರ ಪ್ರೀತಿ ವಿಶ್ವಾಸ ಗಳಿಸು ಅತಿಥಿಗಳು ನಾವು ಬರೀ ಭೂಮಿಗೆಹೋಗಲೇಬೇಕು ಒಂದು ದಿನ ಸಾವಿಗೆಆಗಬೇಕು ಬೂದಿ ಉರಿವ ಚಿತೆಗೆಹೆಜ್ಜೆ ಗುರುತು ಬಿಟ್ಟುಹೋಗು ನಿನ್ನ ನಡೆಗೆ. ಡಾ. ಲತಾ ಎ.ಆರ್ ಬಾಳೆಹೊನ್ನೂರು..

ಕಾವ್ಯ ಸಂಗಾತಿ ವಾಣಿ ಯಡಹಳ್ಳಿಮಠ‌ ಗಜಲ್ ಗಜಲ್(ಲಕ್ಷ್ಮಣ್ ಶರೆಗಾರ್ ಸರ್ ಅವರ ಶಾಯರಿಯ ಮಿಸ್ರಾ ಬಳಸಿಕೊಂಡು ಬರೆದದ್ದುನಿನ್ನನು ನೀ ಹಿಡಿದಿಟ್ಟುಕೊಂಡ ಮೇಲೆ ನನ್ನನು ನಾನು ಬಿಡಿಸಿಕೊಂಡಿದ್ದೇನೆ ) ನಿನ್ನನು ನೀನು ಹಿಡಿದಿಟ್ಟುಕೊಂಡ ಮೇಲೆನನ್ನನು ನಾನು ಬಿಡಿಸಿಕೊಂಡಿದ್ದೇನೆನೀ ಮೌನವ ಅಪ್ಪಿಕೊಂಡ ಮೇಲೆ,ನಾ ಮಾತಿನೊಂದಿಗೆ ಅಂತರ ಇರಿಸಿಕೊಂಡಿದ್ದೇನೆ ಅದೆಷ್ಟು ಸಲೀಸಾಗಿ  ನನ್ನನುಕಡೆಗಣಿಸಿ ಮುಂದೆ ಸಾಗಿದೆ ನೀ ನನ್ನನು ಆಯ್ಕೆಯಾಗಿ  ನೋಡಿದ ಮೇಲೆ,ನನ್ನನೇ ನಾ ಆದ್ಯತೆಯನ್ನಾಗಿ ಆರಿಸಿಕೊಂಡಿದ್ದೇನೆ ಮೊಹಬ್ಬತ್ತಿನ ಅದಾಲತ್ತಿನಲಿಮನಸುಗಳೇ ಸಾಕ್ಷಿ ಹೇಳುವವು  ನೀ ಹೃದಯದ ಕರೆಗೆ ಓಗೊಡದಾಗ,ನಾ ನೆನಪುಗಳ ಜೈಲಿನಿಂದ ತಪ್ಪಿಸಿಕೊಂಡಿದ್ದೇನೆ ನಿನ್ನನು ಹಳಸದ ಹೊಂಗನಸಿನಂತೆ  ಸಿಂಗರಿಸಿ ರಾತ್ರಿ ಕಳೆಯುತ್ತಿದ್ದೆನೀ ಮಗ್ಗಲು ಬದಲಿಸಿದ ಮೇಲೆ,ನಾ  ಕಣ್ತುಂಬ ನಿದಿರೆಯನು ಕಟ್ಟಿಟ್ಟುಕೊಂಡಿದ್ದೇನೆ ಹುಸಿ ಕಲ್ಪನೆಯಲಿ ಸುಮ್ ಸುಮ್ಮನೆ ಖರ್ಚಾದಳು ವಾಣಿನೀ ದೂರಾದ ಮೇಲೆ ,ನಾ ಬಾಳಲು ತುಸು ಬದುಕನುಕೂಡಿಟ್ಟುಕೊಂಡಿದ್ದೇನೆ. ವಾಣಿ ಯಡಹಳ್ಳಿಮಠ

ಕಾವ್ಯ ಸಂಗಾತಿ ನಾಮದೇವ ಕಾಗದಗಾರ “ನೆಲದ ರೋಧನೆ” ಜೀವಂತಿಕೆ ಇಲ್ಲದ ಮಣ್ಣು;ಭೂಮಿಯನ್ನು ನಾವೇಕೊಂದು ನೇತು ಹಾಕಿದ್ದೇವೆ   ​***ಕೊಡಲಿಯ ಅಲಗಿನಲಿಮರಗಳ ಒಡಲು:ಭೂಮಿ ಬೆತ್ತಲೆ..! ಬೇಯುತ್ತಿದೆ   ​***ಎಲ್ಲ ಬದಲಾಗಿದೆ;ಊರುಕೇರಿ ಜೊತೆಗೆಮನುಷ್ಯರೂ ಕೂಡಾ   ​***ಸೂರ್ಯ ಸತ್ತು ಕತ್ತಲಾಗಿದೆಜಗತ್ತು ಬೆತ್ತಲು;ನಾವು ಕಪ್ಪು ಚುಕ್ಕಿಗಳು   ​***ಮರಗಳು ಪದೇ-ಪದೇಕೊಡಲಿಗೇ ಓಟು ಹಾಕುತ್ತಿದ್ದವು!ಭೂಮಿ ಬರಡಾಗಿದೆ   ​***ಮೌನದಲಿ ಆರಿದ ದೀಪ,ಹೊಂಬಿಸಲಾಗಿ ಬಾನಿಗೆಲ್ಲ ಹರಡಿದೆಬಣ್ಣಗಳ ಗರಿಬಿಚ್ಚಿ ಭೂಮಿ ಅಪ್ಪಿದೆ   ​***ಗಾಯಗೊಂಡ ಜಾಗೆಯಲ್ಲಿ ರಕ್ತಕಣ್ಣೀರು;ಚಿತ್ರ ಬಿಡಿಸುತ್ತಾ ರೂಪ ಕಳೆದುಕೊಂಡ ಪರಿಸರ,ಭೂಮಿ ರೋಧಿಸುತ್ತಿದೆ!    ನಾಮದೇವ ಕಾಗದಗಾರ

ಕಾವ್ಯ ಸಂಗಾತಿ ವಾಣಿ ಭಂಡಾರಿ ಗಜಲ್ ನನ್ನ ಪ್ರೀತಿ ಗರಿಕೆಯಂತೆ ಆದರೀಗ ನೋಡು ಸೋತು ಶವವಾಗಿದೆ ಈಗಲಾದರೂ ನನ್ನ ದಫನ್ ಗೆ ಬರುವೆಯಾ.ನೋವಿರದ ಊರೆಲ್ಲಿದೆ ಆ ನೋಟ ಆಟವೀಗ ನೋಡು ಜೀವ ಹಣ್ಣಾಗಿದೆ ಈಗಲಾದರೂ ನನ್ನ ದಫನ್ ಗೆ ಬರುವೆಯಾ. ಸಾವಿನ ಊರಿಗೆ ತೆರಿಗೆ ಕಟ್ಟಬೇಕು ಕನಸಿಗಲ್ಲ ಒಲವು ಒಲವಾಗೇ ಮಣ್ಣಾಗುತಿದೆ ನೋಡಿಲ್ಲಿ.ಬದುಕೊಂದು ಪಾಠ ಶಾಲೆ ಮೊಹಬತ್ ಮುದುರಿ ಕುಸಿದಿದೆ ಈಗಲಾದರೂ ನನ್ನ ದಫನ್ ಗೆ ಬರುವೆಯಾ. ನನ್ನ ನಾನು ಅರಿತ ಮೇಲೆ ಯೌವ್ವನಕ್ಕೂ ಮುಪ್ಪು ಅಡರಿ ಹೆಪ್ಪಾಗಿರುವೆ.ವಿಳಾಸವಿರದ ದಾರಿ ನನ್ನದು ನಿನ್ನ ಪ್ರೀತಿಯುಸಿರು ಜನ್ನತ್ ಗೆ ಚಲಿಸಿದೆ ಈಗಲಾದರೂ ನನ್ನ ದಫನ್ ಗೆ ಬರುವೆಯಾ. ಏನಿದ್ದರೇನು ಇಲ್ಲಿ ಎಲ್ಲ ಮಣ್ಣೊಳಗೆ ಸಿಗುವಾಗ ನನ್ನಾಸೆಗೂ ಅಲ್ಲೆ ಮುಕ್ತಿ ಸಿಗಲಿ ಬಿಡುಈಜಲಾಗದ ಪಾಡು ಕಡಲ ಕಣ್ಣೀರು ಬಡಿದಿದೆ ಈಗಲಾದರೂ ನನ್ನ ದಫನ್ ಗೆ ಬರುವೆಯಾ. ಎಂತ ಗೋಳು “ವಾಣಿ” ನಿನ್ನ ಬಾಳು ಗೆಲ್ಲಲಾಗದ ಒಲವೊಂದು ನಗುತಿದೆ ಬಾನಾಡಿ ಚೆಲ್ಲಿ.ಕನಸಿನ ಅರಮನೆ ಮುರಿದು ಉಸಿರು ತಣ್ಣಗಾಗಿದೆ ಈಗಲಾದರೂ ನನ್ನ ದಫನ್ ಗೆ ಬರುವೆಯಾ.  ವಾಣಿ ಭಂಡಾರಿ  ಶಿವಮೊಗ್ಗ           

ಕಾವ್ಯ ಸಂಗಾತಿ ಅನುರಾಧಾ ರಾಜೀವ್ “ಭಾವಗಳ ಹೂರಣ” ಬರೆದ ಒಲವ ಓಲೆಯ ತುಂಬಾನಿನ್ನುಸಿರ ಬಿಸಿ ಸಿಂಚನಬೆರೆಸಿ ಪ್ರೇಮದ ಪನ್ನೀರ ಹನಿಯುನೀಡಿ ಎನ್ನೆದೆಗೆ ಹೊಸ ಚೇತನ ಪ್ರತೀ ಪದಗಳಲೂ ತುಂಬಿ ತುಳುಕುತಿದೆನಿನ್ನಂತರಂಗದ ಭಾವಗಳ ಹೂರಣಜೊತೆ ಜೊತೆಗೆ ನಡೆವಾಸೆ ಬದುಕಲಿಕಟ್ಟಿರುವೆ ಬಯಕೆ ತೋರಣ ಪುಳಕಗೊಂಡಿದೆ ತನುಮನ ಒಂದಾಗಿಹೃದಯದೊಳು ನವ್ಯ ಮಿಡಿತತಳಮಳವು ಹೆಚ್ಚಿರೆ ಒಂದೊಮ್ಮೆಕಾಣಬೇಕೆಂಬ ತುಡಿತ ತೆರೆದ ಪುಸ್ತಕದಂತೆ  ನಿನ್ನೊಡಲಮಾತಿನ ಸರಣಿ ಮಾಲೆಮರೆತೆ ಮಧುರ ಅನುಭೂತಿಯಲಿಸೆಳೆಯಿತು ಮೋಹದ ಸೆಲೆ ಅನುರಾಧಾ ರಾಜೀವ್ ಸುರತ್ಕಲ್

ಕಾವ್ಯ ಸಂಗಾತಿ ಕಲ್ಪನಾ ಎಸ್ ಪಾಟೀಲ “ನಮ್ಮ ಕನಸಿನ ಮನೆ” ಈ ಮನಸು ಕನಸಲ್ಲೆ ಮನೆ ಕಟ್ಟುತಿತ್ತುಒಂದೊಂದಾಗಿ ಕೋಣೆಯ ಅಡಿಪಾಯ ಹಾಕಿಸಿನಮ್ಮ ಕನಸಿನ ಮನೆ*ತ್ತುಇಟ್ಟಿಗೆಗಳ ಒಂದರ ಮೇಲೊಂದು ಏರಿಸಿತ್ತುಪ್ರೀತಿ ಪ್ರೇಮವೆಂಬ ಗಟ್ಟಿತನದ ಸಿಮೆಂಟಿತ್ತು. ಶುದ್ಧ ಗಾಳಿ ಬೆಳಕು ಬರುವಂತೆಮನೆ ಮುಂದೆ ಗಿಡ ನೆಡುವಂತೆನೆರಳಿನಾಸರೆ ಹಕ್ಕಿ ಪಿಕ್ಕಿಗಳು ಪಡೆದಂತೆನಮ್ಮ ತಲೆಯ ಮೇಲೊಂದು ಸೂರಂತೆ. ಒಂದು ಸ್ವಂತಕ್ಕೆ ಮೇಲೊಂದು ಬಾಡಿಗೆಗೆಪುಟ್ಟ ಗ್ರಂಥಾಲಯ ಒಂದು ಒಳಗೆಒಳಾಂಗಣ ಹೊರಾಂಗಣ ಆಟಕೆ ಮಕ್ಕಳಿಗೆವಿಶ್ರಾಂತಿ ಕೋಣೆ ಬಂದ ಅತಿಥಿಗಳಿಗೆ. ಪುಟ್ಟ ಗೂಡಿನ ಕನಸೊಂದ ಕಂಡಿಹೆನುಬ್ಯಾಂಕಲ್ಲಿ ಕೊಡುವರಂತೆ ಕಟ್ಟಲು ಲೋನುಮಳೆರಾಯ ಒಳ ಬಂದು ಸೋಕಿದನುಕನಸಿಂದ ವಾಸ್ತವಕೆ ದೂಡಿದ ಮನವನು. ಕಲ್ಪನಾ ಎಸ್ ಪಾಟೀಲ

ಕಾವ್ಯ ಸಂಗಾತಿ ಡಾ.ಗೀತಾ ದಾನಶೆಟ್ಟಿ “ಹುಲುಮಾನವ “ ಬದುಕಿನ ಸತ್ಯವನು ನೀನಿನ್ನೂಅರಿಯಲೇ ಇಲ್ಲ ಹಲುಮಾನವ ಮೂರು ದಿನದ ಬಾಳಿನ ಪಯಣದಲಿನೂರಾರು ಆಸೆಗಳ ಹೊತ್ತುವಾಸ್ತವ ಸತ್ಯ ಅರಿಯಲೇ ಇಲ್ಲ ಮಣ್ಣಿನಿಂದ ಬಂದು ಮಣ್ಣಿಗೆಮರಳುವೆನೆಂಬುದ ಮರೆತುಮಹಡಿ ಮನೆ ಕಟ್ಟಿ ಮೆರೆಯುವೆಯಲ್ಲ ಹಣ ಹುದ್ದೆ, ಹೆಸರಿಗಾಗಿ ಹಂಬಲಿಸಿನಿನ್ನೊಳಗಿನ ಮಾನವೀಯತೆಮನುಷ್ಯತ್ವದ ಮೌಲ್ಯ ಮರತೆಯಲ್ಲ ಅಧಿಕಾರದ ಅಮಲಿನಲಿಅಹಂಕಾರದ ಕಿರೀಟವ ಧರಿಸಿಆಡಂಭರಕ್ಕೆ ಅದೀನವಾದೆಯಲ್ಲ ಕಂಡ ದೇವರಿಗೆಲ್ಲ ಕೈಮುಗಿಯುತ್ತತನ್ನಲ್ಲಿಯ ದೈವತ್ವ ಅರಿಯದೆದಯೆ ಇಲ್ಲದೆ ದು:ಖಿಯಾದೆಯಲ್ಲ ಜಾತಿ ಧರ್ಮದ ಗೋಡೆಗಳ ಕಟ್ಟಿದ್ವೇಷ ಅಸೂಯೆಗಳ ಬೀಜ ಬಿತ್ತಿಭಾಷೆ ಭಾವನೆಗಳ ಬೆಸೆಯಲಿಲ್ಲ ಹುಟ್ಟಿ ಬಂದಿರುವ ಜಗತ್ತಿಗೆಕೊಟ್ಟು ಹೋಗುವುದು ಬೆಟ್ಟದಷ್ಟಿದೆಎಂಬುದ ತಿಳಿಯದೆ ಮೂಢನಾದೆಯಲ್ಲ ಬದುಕಿನ ಸತ್ಯವನು ನೀನಿನ್ನೂಅರಿಯಲೇ ಇಲ್ಲ ಹುಲುಮಾನವ ಡಾ.ಗೀತಾ ದಾನಶೆಟ್ಟಿ