ಪ್ರಭಾ ಅಶೋಕ ಪಾಟೀಲ-ಇವರೇಕೆ ಹೀಗೆ?

ಕಾವ್ಯ ಸಂಗಾತಿ

ಪ್ರಭಾ ಅಶೋಕ ಪಾಟೀಲ

ಇವರೇಕೆ ಹೀಗೆ?

ಮುಖವಾಡಗಳ ಸೋಗಿನಲಿ
ಆಡಂಬರದ ಬಲೆಯಲಿ
ಒಣ ಪ್ರತಿಷ್ಠೆಯ ಹಮ್ಮಲಿ
ಹೊಡೆದಾಡಿ ನಲುಗುತಲಿ
ಇವರೇಕೆ ಹೀಗೆ?

ಅಧಿಕಾರದ ಲಾಲಸೆಯಲಿ
ಗದ್ದುಗೆಯ ಗುದ್ದಾಟದಲಿ
ಭ್ರಷ್ಟತೆಗೆ ಕೈ ಚಾಚುತಲಿ
ಸಮಾಜ ಸೇವೆಯ ನೆಪದಲಿ
ಇವರೇಕೆ ಹೀಗೆ?

ಸ್ವಾರ್ಥದ ಅಟ್ಟಹಾಸದಲಿ
ಹಣದಾ ಮದದಲಿ
ನಿರ್ಗತಿಕರ ತುಳಿಯುತಲಿ
ಬಡಿವಾರದ ಬಾಷಣದಲಿ
ಇವರೇಕೆ ಹೀಗೆ?

ಭೂಮಿಗಾಗಿ ಹೊಡೆದಾಟ
ಜಾತೀಯತೆಯ ಹಾರಾಟ
ದೇಶವನ್ನೇ ಕಬಳಿಸುವರು
ಗೆದ್ದಲು ಹಿಡಿದ ಕಟ್ಟಿಗೆಯಂತೆ
ಇವರೇಕೆ ಹೀಗೆ?

ಅಂತರಾತ್ಮವೆಂಬುದು ಇವರಿಗಿಲ್ಲವೇ
ಕಣ್ಣು ಬಿಟ್ಟು ನೋಡಿರೊಮ್ಮೆ
ಸ್ವಾರ್ಥದ ಪರದೇ ಸರಿಸಿ ರೊಮ್ಮೆ
ಅರಿವ ಬೆಳಕ ಕಾಣೀರೊಮ್ಮೆ
ಇವರೇ ಕೆ ಹೀಗೆ?

---

ಪ್ರಭಾ ಅಶೋಕ ಪಾಟೀಲ