ವ್ಯಾಲಂಟೈನ್ ವಿಶೇಷ

ಗಝಲ್

ಅಭಿಜ್ಞಾ ಪಿ ಎಮ್ ಗೌಡ

ಆಗಸದಿ ನಗುತ ಚಂದದಲಿ ತಾರೆಗಳು
ಬೆಳಕನು ಹರಡುತಿವೆ ಇನಿಯಾ
ಪ್ರೀತಿ ಬಯಸಿದ ಸುಂದರ ಕನಸುಗಳ
ಭರವಸೆ ಹೆಚ್ಚುತಿವೆ ಇನಿಯಾ

ಎದೆಯ ಬಯಲಲಿ ತರುಲತೆಗಳ ಹಸಿರು
ರಂಗೇರಿದಿಯೆ ಪ್ರತಿ ದಿನವು
ಕೊನರಿದ ಒಲವಿನಲಿ ಮನಸಿನ ಭಾವ
ಸಿಂಚನ ಮೆಚ್ಚುತಿವೆ ಇನಿಯಾ

ಪಲ್ಲಕ್ಕಿ ದಿಬ್ಬಣದಿ ಹೃದಯಗಳ ಬಂಧ
ಬಹು ಪರಾಕ್ ಕೂಗುತಿವೆ
ಪರಾಮರ್ಶೆಯ ಅದ್ಭುತ ಕಲೆ ಆಸ್ತೆಯ
ಘಮಲನು ತೋರುತಿವೆ ಇನಿಯಾ

ಅಭೀಪ್ಸೆಗಳ ಚಾದರದಿ ತುಂಬಿ ತುಳುಕಿದೆ
ಸದಾ ವಾಂಛಲ್ಯದ ಪರಾಕಾಷ್ಟೆ
ವಿಚಾರ ಮಂಥನದಿ ಸಾಕ್ಷಿಗಳು ಭರಪೂರ
ನೆನಪುಗಳನು ಹುಡುಕುತಿವೆ ಇನಿಯಾ

ಅಂಬರದ ಮಿಂಚಿನೊಳಗೆ ನನ್ನವನ
ಮೊಗ ಲಾಲೈಸಿ ಕರೆದಿದೆ ಅನುದಿನ
ಬೆಳದಿಂಗಳ ರಾತ್ರಿಯಲಿ ಅಭಿಯ ಕಂಗಳು
ಕಾದಲನ ಶೋಧಿಸುತಿವೆ ಇನಿಯಾ

---