ವ್ಯಾಲಂಟೈನ್‍ ವಿಶೇಷ
ಇದ್ದು ಹೋಗು
ಅರುಣಾ ನರೇಂದ್ರ
ಕಡತಗಳ ನಡುವೆ
ಒಡೆತನದ ಹಮ್ಮಿ ಲೆ
ಕುಳಿತರೂ
ಅದೇಕೆ ಹಣೆಯ ಮೇಲೆ
ಬೆವರ ಸಾಲು !
ಇಂಗ್ಲಿಷ್ ಅಂಕಿಯ
ಲೆಕ್ಕಾಚಾರ ಬಿಟ್ಟು
ಒಮ್ಮೆ ತಲೆಯೆತ್ತಿ ನೋಡು
ಜಗವೆಷ್ಟು ಸುಂದರ !
ನಿತ್ಯವೂ ನಿನ್ನ ಗೊಣಗಾಟ
ರೇಗಾಟ ಕುರ್ಚಿ ಮೇಜುಗಳಿಗೂ
ತಿಳಿದಿದೆ ಬಿಡು
ಜಗವ ಮೋಹಿಸುವ
ಆ ನಿನ್ನ ನಗುವೆಲ್ಲಿ
ಕಳೆದಿದೆ ಗೆಳೆಯಾ…
ನಗು ಮರೆತ ತುಟಿಗೆ
ಮುತ್ತು ಪೋಣಿಸಲೇ
ಮಂಜಾಗಿ ಮೈ ಸವರಿ
ತಣ್ಣಗಾಗಿಸಲೇ
ಒತ್ತಡಕೆ ಒತ್ತೆಯಾಳಾಗದೆ
ಒಮ್ಮೆಯಾದರೂ
ಬಂದಿದ್ದು ಹೋಗು
ನನ್ನೆದೆಯ ಗಿರಿಧಾಮದಲಿ !
ಪ್ರತೀ ಸಾಲೂ ಅರ್ಥಪೂರ್ಣ
ಸುಂದರ… ಅರ್ಥಪೂರ್ಣ ಕವನ