ಗಜಲ್
ಮಾಜಾನ್ ಮಸ್ಕಿ
ಸುಗ್ಗಿಯ ಹಬ್ಬ ಕರೆಸಿತು ಸಂಕ್ರಾಂತಿ
ರೈತನಿಗೆ ಹರುಷ ಭರಿಸಿತು ಸಂಕ್ರಾಂತಿ
ದಕ್ಷಿಣಯಣದಿಂದ ಉತ್ತರಾಯಣಕ್ಕೆ ಪಥ
ಭಾಸ್ಕರನ ಪ್ರಖರತೆ ಹೊಮ್ಮಿಸಿತು ಸಂಕ್ರಾಂತಿ
ಬೆಳೆಗೆ ಚೈತನ್ಯ ತೇಜಸ್ಸು ರವಿಯ ಹೊಂಗಿರಣ
ಎಳ್ಳು ಬೆಲ್ಲ ಆರೋಗ್ಯ ವೃದ್ಧಿಸಿತು ಸಂಕ್ರಾಂತಿ
ಶ್ರೀರಾಮ ರಾವಣನನ್ನು ಸಂವಹರಿಸಿದ ದಿನ ಇದು
ಪೂರ್ವಜರನ್ನು ಮನೆ ಅಂಗಳಕ್ಕೆ ತರಿಸಿತು ಸಂಕ್ರಾಂತಿ
ಶೀತ ವಾತ ಆಲಸ್ಯ ಜಡ್ಡು ಓಡಿಸಿ “ಮಾಜಾ”
ಸ್ನೇಹದಿ ಸವಿಯ ಮಾತು ಕಲಿಸಿತು ಸಂಕ್ರಾಂತಿ
