ಕಾವ್ಯ ಸಂಗಾತಿ
ಹೇಳಿ ಬಿಡು ವಿದಾಯ
ಹೇಳಿ ಬಿಡು ವಿದಾಯ
ಕಿಡಕಿ ಸರಳುಗಳಿಗಂಟಿದ ಹಲ್ಲಿಗೂ
ಎಲುಬಿನ ಹಂದರಕೆ ನಾಟಿದ ನೆರಳಿಗೂ
ಹೇಳಿ ಬಿಡು ವಿದಾಯ
ಗಾಜಿನಂಥ ಆಕೃತಿಗೂ
ಗಾಜಿನಂಥ ಚಿತ್ತಾರಕೂ
ಹೇಳಿ ಬಿಡು ವಿದಾಯ
ಪ್ರೇಮಿಯ ಒಳನೋಟಕ್ಕೂ
ಪ್ರೇಮವ ದಹಿಸುವ ನೇತ್ರಕ್ಕೂ
ಹೇಳಿ ಬಿಡು ವಿದಾಯ
ಮತ್ತೊಂದು ಮೊಗಕ್ಕೂ
ಮೊಗದಂಥ ಸೂರಿಗೂ
ಹೇಳಿ ಬಿಡು ವಿದಾಯ
ಹರಿದಿಹ ತುತ್ತಿನ ಚೀಲಕ್ಕೂ
ಪ್ರೀತಿ ಹರಾಜಿಟ್ಟ ದೊರೆಗೂ
ಹೇಳಿ ಬಿಡು ವಿದಾಯ
ನನ್ನದೇ ಪ್ರತಿಕೃತಿಗೂ
ನನ್ನದೇ ಪ್ರತಿಕೃತಿಯ ದಹನಕ್ಕೂ
ಅಶೋಕ ಹೊಸಮನಿ
