ಕಾವ್ಯ ಸಂಗಾತಿ
ಸೀತಾಫಲದ ಕಣ್ಣು
ಬಂಡೆಗಲ್ಲುಗಳ ನಿಟ್ಟುಸಿರು
ಮುಳ್ಳುಕಂಟಿಗಳ ನರಳಿಕೆಯ
ಸದ್ದಿನಲ್ಲಿ ಅರಳಬೇಕು
ಜಿಗಿದು ಹಸಿರಾಗಬೇಕು
ಕುಡಿದು ಬೆವರು
ಸೀಯೆಂದರೆ ಸೀ…
ಬೆಳ್ಳನ್ನ ಬೆಳ್ಳಗೆ
ನಾಲಿಗೆಯಲಿ ನಲಿವ ತೊಳೆ
ಫಳಕ್ಕನೆ ಹೊರಗೆ ಜಿಗಿವ ಬೀಜ
ಕಣ್ಣು ಬಿಡಬೇಕು ಹಣ್ಣು
ಒಗರೊಗರು…ಒರಗೊರಗು ಮೈಯ್ಯ ಚರ್ಮ
ಶಾಪಗ್ರಸ್ತ ಇಂದ್ರನ ಕಣ್ಣೋ
ಕಾಡಿಗಟ್ಟಿದ ರಾಮನ ವಿಷಾದದ ಕಣ್ಣೋ..
ಇರಿದ ಗಾಯದ ಭುವಿಯ ಕಣ್ಣೋ…
ನೋಟಗಳಂತೂ ಇರಿಯುತಿವೆ..
ಎದೆ ಬಿರಿಯುತಿದೆ.
ಬಿ.ಶ್ರೀನಿವಾಸ
About The Author
ಕಾಡಿಗಟ್ಟಿದ ರಾಮನ ವಿಷಾದ ಎಂದರೆ ಏನೆಂಬುದು ಗೊತ್ತಾಗುತ್ತಿಲ್ಲ.