ಚಿನ್ನಸ್ವಾಮಿ ಎಸ್ ಅವರ ಕವಿತೆ- ಜನನದಿಂದ ಮರಣದವರೆಗು - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಚಿನ್ನಸ್ವಾಮಿ ಎಸ್

ಜನನದಿಂದ ಮರಣದವರೆಗು

ಧರೆಗೆ ಬರುವಾಗ ಜೀವ ಹೊತ್ತು
ದರೆಬಿಟ್ಟು ಹೋಗುವಾಗ ಜೀವ ತೆತ್ತು

ಹುಟ್ಟುವಾಗ ಕರುಳುಬಳ್ಳಿಯ ಮಾಲೆ ಹೊತ್ತು
ಧರೆಬಿಟ್ಟು ಹೋಗುವಾಗ ಹೂ ಮಾಲೆಯ ಹೊತ್ತು

ಹುಟ್ಟುವ ಮುನ್ನ ತಾಯಿ ಗರ್ಭದಿಂದ ಮೌನ
ಸಾವಿರ ನಂತರ ಭೂಗರ್ಭದಲ್ಲಿ ನೀರವ ಮೌನ

ಹುಟ್ಟುವಾಗ ತಾಯಿ ಮತ್ತು ಮಗುವಿನ ಅಳಲು
ಹೋಗುವಾಗ ಬಂಧು ಬಳಗದವರ ತೊಳಲು

ಇದ್ದಾಗ ಹಾರಾಟ ಕೂಗಾಟ
ಹೋಗುವಾಗ ಮೌನದಾಟ

ಇಳೆಗೆ ಬಂದರೆ ಜನನ
ಇಳೆಯೋಳೋದರೆ ಮರಣ

ಹುಟ್ಟಿದಾಗ ಮಗುವಿಗೆ ತಾಯಿ ಆಸರೆ
ಮುಪ್ಪಾದಾಗ ಮಕ್ಕಳಿಗೆ ತಾಯಿಯೇ ಬೇಸರ

ತಾಯಿ ಮಕ್ಕಳ ಹಠವನ್ನು ಪ್ರೀತಿ ವಿಶ್ವಾಸದಿಂದ ಗೆಲ್ಲುವಳು
ಆದರೆ ಮಕ್ಕಳು ತಾಯಿಯ ಪ್ರೀತಿಯನ್ನು ಗದರಿಸುವಿಕೆಯಿಂದ ಸೋಲಿಸುವರು

ತನ್ನ ಉಸಿರಿಗಿಂತ ಮಕ್ಕಳ ಉಸಿರಿಗೆ ಬೆಲೆ ಬೆತ್ತವಳು
ಆದರೆ ಮಕ್ಕಳು ತಾಯಿಯ ಉಸಿರಿಗೆ ನೆಲೆ ನೀಡದವರು

ಮಕ್ಕಳ ಕನಸಿಗಾಗಿ ತನ್ನ ಕನಸ ಮಾರಾಟಕ್ಕಿಟ್ಟವಳು
ನಮ್ಮ ಕನಸಿಗಾಗಿ ತಾಯಿ ಕನಸನ್ನ ಬಂಧಿಸಿದವರು.

ನಮ್ಮ ಬದುಕಿಗಾಗಿ ನೊಂ ದು ಬೆಂದು ಸುಟ್ಟು ಕರುಕಲಾದವಳು
ನೊಂದು ಬೆಂದ ಕರಕಲಾದವಳ ಗುರುತಿಸದಾದವೋ

———

ಚಿನ್ನಸ್ವಾಮಿ ಎಸ್