ಕಾವ್ಯ ಸಂಗಾತಿ
ಸುಧಾ ಪಾಟೀಲ
ದತ್ತಣ್ಣನ ಕಾವ್ಯ ಲಹರಿ
ನಾದಲೀಲೆಯ ಉಯ್ಯಾಲೆಯಲಿ
ಸಖಿ ಗೀತವ ನೀ ಹಾಡುತ್ತಾ
ಮೇಘದೂತನ ತೋರಿಸಿ
ಹೃದಯಸಮುದ್ರದಲಿ ನೀ ಮಿಂದು
ನಾಕು ತಂತಿಯ ಮೀಟುವೆ
ಜೀವ ಲಹರಿಯಲ್ಲಿ ಒಂದಾಗಿ
ಒಲವೇ ನಮ್ಮ ಬದುಕು ಎನ್ನುತ್ತಾ
ಮುಗಿಲ ಮಲ್ಲಿಗೆಯ ಪ್ರತಿಬಿಂಬದಲಿ
ಕಾವ್ಯವೈಖರಿಯ ಮೊಳಗಿಸುವೆ
ಮುಕ್ತಕಂಠದಿ ನಮನ ಸಲ್ಲಿಸುತ್ತಾ
ಸಖಿ ಗೀತ ಹಾಡುವೆ
ನಭೋವಾಣಿಯ ಗರಿಯಲಿ
ಬಾಲಬೋಧೇಯ ಬಿಂಬಿಸಿ
ಹಾಡಿ ಕುಣಿಯುವೆ
ಚೈತನ್ಯದ ಪೂಜೆಯಲಿ
ಸಂಚಯನ ಮೂಡಿಸುವೆ
ಎಲ್ಲರಲಿ
ಲೆಕ್ಕಣಿಕೆಯ ನೀ ಹಿಡಿದು
ಸಂಭ್ರಮಿಸುವೆ
ಮತ್ತೆ ಶ್ರಾವಣ ಬಂತೆಂದು
ಕಾಮಕಸ್ತೂರಿಯ ನೆಲೆಯಲ್ಲಿ
ಗಂಗಾವತರಣದ ಜೊತೆಗೆ
ಚೈತ್ಯಾಲಯದಲಿ ಒಂದಾಗುವೆ
ಕೃಷ್ಣಕುಮಾರನಾಗಿ
ಇದೆಲ್ಲವ ದಾಟಿ
ಅರಳು ಮರಳು ಮೀರಿ
ದತ್ತಣ್ಣನಿಂದ
ದ. ರಾ. ಬೇಂದ್ರೆ ಅಜ್ಜನಾಗಿ
ಹೊರಹೊಮ್ಮಿದ ನಿನಗೆ
ಇದೋ ನನ್ನ ನಮನ
ಸುಧಾ ಪಾಟೀಲ
About The Author
