ಕಾವ್ಯ ಸಂಗಾತಿ

ಅಮೃತ ಎಂ ಡಿ

ಮಾಯೆ..

ಅದೆಷ್ಟು ಬಾರಿ ಸೋಲಲಿ ನಿನ್ನೆದುರು ನಿಂತು,
ಅದ್ಯಾವ ರಸ ಗಳಿಗೆಯೋ
ಬದುಕಿಗೆ ಬಂದು ಭದ್ರವಾಗಿ ಕುಳಿತೆ,
ಅಸಾಧ್ಯ ಎನಿಸುತ್ತದೆ ನಿನ್ನ ಮುಂದೆ ಸೋಲಲು
ಹಾಗೆಂದು ಸೋತಿಲ್ಲ ಎಂದಲ್ಲ,
ಸೋತಿರುವೆ, ಸೋಲುತ್ತಿರುವೆ
 ನಿನ್ನ ಗ್ರಹಿಕೆ  ದಕ್ಕಿಸದೆ,
ನಿನ್ನ ನಿಲುವಿಗೆ ಸಿಕ್ಕದೆ,

ಕಾರಣಗಳೇ ಇಲ್ಲ ನಿನ್ನ ವಿರುದ್ದ ಸಾಗಲು,ಆದರೂ ಸಾಗುತ್ತಿರುವೆ ಗಡಿ ಇಲ್ಲದ ಗಡಿ ದಾಟಲು
ಮನಸ್ಸು ಒಪ್ಪದೇ

,
ಸಣ್ಣ ನಿದರ್ಶನ ಕೂಡ ಇಲ್ಲ ನಿನ್ನ ನಿರೀಕ್ಷೆಯ ಊರನ್ನು
ನಿರ್ಲಕ್ಷಿಸಲು ,ಮುಂದೆ ಸಾಗಲು
ಆದರೂ ಸಾಗುತ್ತಿರುವೆ ನೀ ಇಲ್ಲದ ನಿಲ್ದಾಣ ತಲುಪಲು,
ನೀ ಇರದ ಜಾಗದ ಹುಡುಕಲು.

ಮತ್ತೆ ಮತ್ತೆ ನೀ ನಿಂತ ಜಾಗದಲ್ಲಿ,
ನೀ ನಡೆದ ಕ್ರಮಿಸಿದ ಹಾದಿಯಲ್ಲಿ ಸಾಗುವೆ,
ನನ್ನ ನೆರಳಿನ ಗಾಳಿ ಕೂಡ ನಿನ್ನ ಸೋಕದಂಗೆ
ಸಾಗಿ ಬಿಡುವೆ …

——————–
ಅಮೃತ ಎಂ ಡಿ

About The Author

admin

See author's posts