ಜಪಿಸುತಿಹಳು ಮೇಘರಾಜನ
ಎದೆಯ ತಂಪಾಗಿಸಿ
 ಕಂಗಳಲಡಗಿದ  ನೋವಿನ ಗೆರೆಯ
ಒಲವ ಸಿಂಚನದಿ
ಮಾಯವಾಗಿಸುವನೆಂದು

ಸಹಸ್ರ ನೋವು ಸಂತಸ
ದೇಹವನ್ನೇ ನಡುಗಿಸುತಿಹುದು
ಇತ್ತ ಇಬ್ಬನಿಯ ಹನಿ
ಚಳಿಯ ಇಮ್ಮಡಿಸಿಹುದು
ಅವನೊಲವ ಹೊದಿಕೆಯ ಬಂಧನಕೆ
ಕಾದಿಹುದವಳ  ಮನ

ಬಾಯಾರಿ ಬಸವಳಿದಳು
ಹನಿ ನೀರು ಇಲ್ಲದೆ
ಒಣಗುತಿದೆ ಒಡಲು
ಹಸುರಾದ ಕನಸಿಗೆ ಉಸಿರಿಲ್ಲದಾಗಿದೆ
ಬಂದು ಬಿಡು ನೀ ಬೇಗ
 ದಾಹ ನೀಗಿಸಲು.

ಚಿಪ್ಪಿಂದ ಬಿರಿದ ಮುತ್ತಿನ ಹೊಳಹು
ಅವನೆದೆಯ ನಾಟಲು
ಮಿಂಚು ಹರಿದ ದನಿಯಲ್ಲಿ
ಬಿಗಿಹಿಡಿದ ತನುವ..
ಉರಿಬಿಸಿಲು ತಂಪಾಯ್ತು
ಹಸುರಾಯಿತು ಒಡಲು.

ಎಲ್ಲೆಲ್ಲೂ ಮುತ್ತಿನ ಹನಿ
ಮನದ ಮೂಲೆಗಳ ದಾಟಿ
ಬಿರುಕುಗಳ ಅಳಿಸಿ ಕವಲು ಕವಲಾಗಿ
ಒಲವ ತೊರೆ  ಹರಿಸುತಿಹನು